Popular Bible Verses from Ephesians 4

Share

piaqłuktautiŋaiġḷusiḷu avanmun, nagliksrautiqaġlusiḷu suliqutigiŋaiġutilusiḷu avanmun, God-iptauq suliqutigiŋaiŋammagich itqaumayumiñaiqł̣ugich piḷuutisi pisigivlugu Christ.

kamasaaŋiḷḷusi pikałaktautaiḷḷusiḷu qiñuirrutilusiḷu avanmun, manimmisilusiḷu pimaqłuutivsigun avanmun pisigilugu piviuttaqqutiniqsi.

Uqaluqaġnasi anniaġutauruanik iñuŋnun, aglaan uqaluqaġitchi anniqsuutauyumiñaqtuanik sivunmuktuutauyumiñaqtuaniglu, tamatkua tusaaruat uqaluvsiññik anniqsuusiaqaġumaut.

Uumiḷuġruutiqaġnasi iḷuvsiññi, piavsayyataiḷḷusiḷu qinnautaiḷḷusiḷu qanaaġutaiḷḷusiḷu, suamaruanik uqaŋaiġḷusiḷu naġġuksruutiŋaiġḷusiḷu

Qinnaliġuvsi piḷuksisiginagu. Qinnaŋanasi uvluqtutilaaŋatun, tuunġaq piviksraqaqtitauŋitchumauq piḷuksipkaġumiñaġlusi.

Tavraasii aŋalatinŋaiġitchi piḷuksisuguuruanun iñuusiġruavsiññun, pipkaisuuruanun ilivsiññik taimani iñuusiġisuukkavsiññik pigiipiaġataqtuakun inŋaruanik, kipiqsaaqłusi pigiitchuanun sagluqivlusiḷu. Nutaaġuqtuksraupiaqtusi kipiġniuġutigikkavsigun isumanivsiññiḷu. Aŋalatittuksraupiaqtusi nutauruamun iñuutchivsiññun savaaguruamun God-im irrusiatun, iñuupkaiyumiñaqtuamun ilivsiññik iḷumutun nalaunŋaruakun piḷuutaitchuakullu.

Ilitqusiġiksuam atipkaġlisi, tutqiutiqaġumausi avanmun.

Aasii aitchuutiŋi innasiuŋarut, iñuich iḷaŋich tilirautquvlugich, iḷaŋich uqaqtautquvlugich God-mun, iḷaŋich tusaayugaaġiksuanik alġaqsruitquvlugich, iḷaŋich aŋaiyyuliqsautquvlugich iḷisaurrautquvlugiḷḷu. Taamna piŋagaa, itqanaiyaqsaqługich iluqaisa God-im iñuŋi savaaqsranun ukpiqtuaguniġmiŋni, sivunmuktuutiksraŋannik aŋaiyyuliqiruat, timigikkaŋi Christ. Tavra iluqata atunim ukpiliġataqtilluta, suli uvaptiŋnun iḷitchuġipiaġataqtillugu Iġñiŋa God-im, iñuullautaġuminaqsiḷġataġluta iñuusipiaġatamik Christ iñuusiġitqukkaŋanik uvaptiŋnun, ilaan iñuusimisun.

Tavraŋŋaaglaan inŋaiġñiaqtugut miqłiqtutun maliksuyaruatun, asiñuutipkaġumiñaiġḷuta killukun iḷisaurrutiŋiññun sagluqinnigniaqtuat iñuich, pisaasuunmikkun killukun ukpiqtitchisuuruat iñuŋnik. Aglaan sivunmuktuqtuksraurugut supayaakun Christ-tun iḷisaiññaġluta iḷisaurrutigilugu iḷumun ittuaq piviuttaqqutiluta. Christ niaquuruatun ittuq