Popular Bible Verses from Ephesians 5

Share

God-im tainna piqpagivlusi miqłiqtuliutimmasi ilivsiḷi tainnatun piñiḷuktuksraurusi avanmun, qanuq ilaan piviuttaġivlusi miqłiqtuġigaasi. Piviuttaqqutiqpaqaġitchi allanun iñuŋnun, maliġuaġlugu tuvraaksriutaa Christ piviuttaġivluta aitchuutigiŋaruq inmiñik God-mun tuqutauvluni piḷuutaiġukłuta. Tainna pikami, iviġaŋagaa God, taipkunatun ikipkairuatun niġrutinik aitchuikamiŋ ilaanun.

Qaunakłaapiaġitchiasiiñ qanuq iñuutilaavsiññik, isumalluaġiitchuatun iñuktun piŋaiġḷusi aglaan isumaturuatun, atułhamaniaġlugu piviksraq anniqsuunmun, qanuq makkunani uvluni iñugiaktut pigiitchuat piñaiḷutchiqsuutit uvaptiŋnun savautitchaiḷisaavlugu Ataniq.

Suli imiŋasisiqaġnasi taaŋŋaġmik, qanuq taamna piaġiitchuamun pialapiaġataġniġmun ittuq, aglaan Ilitqusiġiksuamun aŋalatittitchi, uqaurrutilusi avanmun psalms-nik nanġautiniglu ilitqutchikullu atuutinik, atuġlusi atuutinik, psalms-niglu Ataniġmun iḷuvsiññiñ, ataramik quyyatigilugich supayaat God-mun Aapamun, atqagun Atanipta Jesus Christ.

Tavraasii isumalluaġiiññasi, aglaan uvlutuaqpan nalupqinaiġñiḷuksiuŋ tuvraġuglugu suna Atanġum pitqukkaŋa ilivsiññun.

Uiguruasii, piviuttaġisigik nuliasi, tainnatuttauq Christ piviuttaġimmatun aŋaiyyuliqiruat suli aitchuutigivluni inmiñik pisigivlugich tuqutauvluni.

Ilivsivsauq piḷuusiqiugaġuuŋagaluaqtuasii iñuummatun taaġmi, paŋmapak Atanġum iñugiliutimmasi, piḷuusiqiugaŋaiqsusi, qaummaġmi iñuuruatun. Tavraasii iñuutuiññaqtuksraurusi qaummaġmi.

Qiksiksrautiqaqavsi Christ-mun, kamakkutiugaġitchi avanmun.

Nuliaguruasii, kamagisigik uisi, kamagimmatuttauq Ataniq.

Suli sivuniqaġmiuq ilivsiññun tuvaaqatigiiksuanun. Aŋutipayaam piviuttaġiraksraġigaa nuliani ilimisun iḷiḷugu, suli nuliaguruam isummatigilluataġlugu uiñi.

Bible uqaluŋiññi God uqallaŋaruq inna, “Taamna pisigilugu, aŋutim qimaguuniġik aapaniḷu aakaniḷu aasii nayuqsiutivlugu nuliani. Tavra iliŋik malġuuruak atautchisun iñuktun iḷiñiaqtuk.”

Piqasiqsuutinasi iñuŋnun piḷġusiqaqtuanun anniqsuutauŋitchuanik, iñuuvlutiŋ taaqtuami. Aglaan satqummiqsigik piḷġusiġiitchuaŋich qaummaġmun.