Popular Bible Verses from Ephesians 6

Share

Qanuq aŋuyaŋitkivut iñuich timiqaqtuat, aglaan aŋalatchiruat ilitqusiqł̣uich siḷami, atanaurallu pigiitchuat aŋalatchiruat iñuŋnik mattumani nunami, suaŋŋatillu aŋalatchiruat pigiitchuanik makkunani uvluni.

Taamna iluqaan pisiuŋ aŋaiyyutigilugu, apiġilugu God ikayuqulusi. Supayaaġuvsi aŋaiyyuuġlusi Ilitqusiġiksuam piyummiqpasi. Taamna pisigilugu nipuŋaitchitchi suli suuramikunnii qapiġnasi, aŋaiyyutilugiḷḷu ataramik God-im iñuŋi.

atuġlugu iluqaan suaŋŋan God-im aitchuutaa ilivsiññun, Tuunġaum payariŋitchumagaasi pisaasuġmiaġunmigun.

Tavraasii ataramik atuqsiuŋ iluqaan suaŋŋan God-im qaisimaakkaŋa, payariyumagisi Tuunġaum piḷuksipkaġniutiŋi uvlut pigiiḷikpata. Itqanaitchitchi aŋuyaktitun iluqaisa atuġlugich aŋuyaunnat annuġaasi igḷutuġumiñaġumagisi akiḷḷivsi piyuaġutiŋi kiŋuppiasuŋaġnasi.

Ataramik suaŋali ukpiġurri Ataniġmun, Tuunġaum anniaŋitchumagaasi, aŋuyaktim akkiġautaata qamitqataġmatun ikualaruat qaġruŋi akiḷḷimi. Aŋuyaktisuli aŋuyaunnamun nasauttamiñun niaqquaqtaiḷimmatun, tainnatulli annaurraunivsi pitchaiḷigaasi pigiitchuamun. Suli God-im uqaluŋi Ilitqusiġiksuam qaisaŋi ilivsiññun savikpagimmatun illugich.

Tavra itqanaitchitchi. Aŋuyakti tavsiaġiksaaŋaruatun, tainnatun iḷumun illusi God-mun, suli aŋuyakti satqagutituqtuatun qatikkaaġnaiḷutaġivlugu, tainnatulli iñuuniaġitchi nalaunŋaruakun. Aŋuyaktitun anŋiqpaktuqtuatun puukayasiasuŋił̣ł̣uni, tainnatulli itqanaitchitchi quliaqtuaġisaalukkumiñaġlugu tusaayugaaġiksuaq aŋuyautairrutauruaq.

Aasiisuli, suaŋŋatiqaġitchi ikayuutaagun ilaan sapiġñaqtuam suaŋŋataata atausiŋŋuqatigiŋalugu Ataniq

Qutchiksuakun isummatigisigik aapasiḷu aakasiḷu, taamna unniqsuqłiisiqaqqaaqtuq pitquraniñ piḷḷuataun itchumauq ilivsiññun suli iñuuyumausi sivisuruamik nunami.

Miqłiqtuut, kamagisigik aŋayuqaasi Ataniq atausiŋŋuqatigiŋakavsiuŋ. Taamna nalaunŋaruq.