A Matiye Sõng 7
7
Moogo la Ra-giiga
(Lk 6,37-38, 41-42)
1Da kao-y y taab bʋʋdo tɩ b kõn kao y me bʋʋd ye. 2#Mk 4,24. Y sẽn kaood y taab bʋʋda toto, boto me la b na n kao yãmb bʋʋdo. Makr ning y sẽn makd n kõt y taaba, makr kãng me n yɩt yãmb dẽnna. 3Bõe tɩ f get mooga sẽn be f to nifẽ? Fo yaool n ka ne ra-giiga sẽn be f nifẽ ye. 4Fo na n yɩɩ wãna n yeel f to: ‹Yaas tɩ m yiis moogo f nifẽ,› tɩ ra-giig yaool n be f rẽnnẽ? 5Zãmb soaba, deng n yiis ra-giiga f nifẽ tɩ f na tõog marsã n yãe moogã n yãk f to nifẽ.
Bõn-sõng zãabo
6Da rɩk-y maand nemd n kõ baag ye, da rɩk-y kĩndfu n lob kurkuy taoor ye: b wat n tab-a lame n yaool n lɛɛg n kẽ yãmba, n na n wãb yãmb.
Pʋʋsg yõodo
7Kos-y tɩ b na kõ-y, bao-y tɩ y na yãe. Kabs-y tɩ b na pak tɩ y kẽ. 8Sẽn kota n paamde, sẽn baooda n yãete, sẽn kabsda la b pakda. 9Yãmb sʋka ãnd n be t'a biig sã n kos-a buri bɩ a kõ-a kugri? 10Ka rɩll bɩ a kos-a kʋɩl-zẽoogo t'a kõ-a waafo? 11Dɩlla yãmb ne y wẽnema, y sã n mii y kamb bõn-sõma kũuni, bãng-y tɩ Ba Sõng na maan neere n yɩɩd ne neb niyns sẽn bõsd-b bãmba.
12 #
Lk 6,31. Yãmb sẽn dat tɩ y taab maan bũmb ninga y yĩnga, bɩ y maan boto ne y taaba: dẽ n be Noora sebrẽ la bãngdba me rẽnnẽ.
Soy a yiibu
13Tũ-y so sẽka n kẽ. Menesg sor tuka yalenga, tɩ wʋsg rɩkd-a. 14Vɩɩma sor tuka sẽka la a tãagda kʋɩleng sẽn pa yalem t'a yãetb sõor ya bilfri bala.
15Gũus-y ne zirẽ-be-bãngdba. B sã n be yãmb sʋka, bãng-y piis sẽn ka tar b toorẽ yell ye, mik yaa digd-n-yĩid-toose. 16B tʋʋma n na n wilg yãmba b sẽn ya bũmb ninga. Sib na wob gõaag zugu? La kankam na tõs kãgrẽ? 17Ade, tɩ-sõng faa womda bi-sõma la tɩ-wẽng fãa womda bi-wẽnse. 18Tɩ-sõng pa tõe n wom bi-wẽns ye la tɩ-wẽng me ka tõe n wom bi-sõng ye. 19#Mt 3,10; Lk 3,9. Tɩɩg ninga fãa sẽn ka womda bi-sõma, b kɛɛgd-a lame n yõog bugum. 20#Mt 12,33. Dɩlla b tʋʋmẽ wã la y na n bãng-b n bake.
Karen-bi-sõng yelle
21Ka sẽn boond-a maam: ‹Soaala, Soaala,› n kẽed arzãn ye, yaa sẽn maand-a m Ba sẽn be arzãna yamleoogo. 22Wʋsg wat n yeela maam daar a ye: ‹Soaala, Soaala, tũu ne yãmb maasem tɩ d paam n wilg sẽn na n yaool n wa, la d dig sʋtãamba, la d maan bõn-bãna.› 23#Yɩ 6,9. La m kõn zoe b nif n leok-b ye: ‹Mam zɩ n bãng yãmb ye, yi-y m taoore, tʋʋm yood dãmba!›
24Ned ninga sẽn na n kelg goam niyns m sẽn togs mars marsã la a maand boto, m tõe n mak-a la ne sɩlem soaba sẽn me a roog kugr kegemd zugu. 25Saag niime, koom fõdame, sob-raoog yikame tɩ b fãa tãag-a la a pa lʋɩ ye, b sẽn me-a kugra zug yĩnga. 26Ned ning me sẽn wʋmd-a mam koɛɛga la a pa maand wa m sẽn datã, b tõe n maka yẽ soab ne gãeenga sẽn me a roog bĩsr zugu. 27Saag niime, koom waa ne pãnga, sob-raoog yikame tɩ b tãag-a la a lʋɩɩme la a wãab ka yɩ bilfr ye!»
28A Zezi sẽn gom n sɛ, la zãma wã sẽn wẽ siri b karenga poorẽ; sɩda a Zezi pa gomd wa sẽn karen-ba-n-sika ye, 29#Mk 1,22; Lk 4,32. b gomda wa naab sẽn gomd ne a soolem dãmba.
Currently Selected:
A Matiye Sõng 7: SSDC98
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
