Popular Bible Verses from A Matiye Sõng 7

Share

Kos-y tɩ b na kõ-y, bao-y tɩ y na yãe. Kabs-y tɩ b na pak tɩ y kẽ.

Sẽn kota n paamde, sẽn baooda n yãete, sẽn kabsda la b pakda.

Ned ninga sẽn na n kelg goam niyns m sẽn togs mars marsã la a maand boto, m tõe n mak-a la ne sɩlem soaba sẽn me a roog kugr kegemd zugu.

Yãmb sẽn dat tɩ y taab maan bũmb ninga y yĩnga, bɩ y maan boto ne y taaba: dẽ n be Noora sebrẽ la bãngdba me rẽnnẽ.

Vɩɩma sor tuka sẽka la a tãagda kʋɩleng sẽn pa yalem t'a yãetb sõor ya bilfri bala.

Tũ-y so sẽka n kẽ. Menesg sor tuka yalenga, tɩ wʋsg rɩkd-a.

Dɩlla yãmb ne y wẽnema, y sã n mii y kamb bõn-sõma kũuni, bãng-y tɩ Ba Sõng na maan neere n yɩɩd ne neb niyns sẽn bõsd-b bãmba.

Da kao-y y taab bʋʋdo tɩ b kõn kao y me bʋʋd ye. Y sẽn kaood y taab bʋʋda toto, boto me la b na n kao yãmb bʋʋdo. Makr ning y sẽn makd n kõt y taaba, makr kãng me n yɩt yãmb dẽnna.

Ned ning me sẽn wʋmd-a mam koɛɛga la a pa maand wa m sẽn datã, b tõe n maka yẽ soab ne gãeenga sẽn me a roog bĩsr zugu.

Bõe tɩ f get mooga sẽn be f to nifẽ? Fo yaool n ka ne ra-giiga sẽn be f nifẽ ye. Fo na n yɩɩ wãna n yeel f to: ‹Yaas tɩ m yiis moogo f nifẽ,› tɩ ra-giig yaool n be f rẽnnẽ?

Gũus-y ne zirẽ-be-bãngdba. B sã n be yãmb sʋka, bãng-y piis sẽn ka tar b toorẽ yell ye, mik yaa digd-n-yĩid-toose. B tʋʋma n na n wilg yãmba b sẽn ya bũmb ninga. Sib na wob gõaag zugu? La kankam na tõs kãgrẽ?

Ade, tɩ-sõng faa womda bi-sõma la tɩ-wẽng fãa womda bi-wẽnse.

Tɩ-sõng pa tõe n wom bi-wẽns ye la tɩ-wẽng me ka tõe n wom bi-sõng ye.

Tɩɩg ninga fãa sẽn ka womda bi-sõma, b kɛɛgd-a lame n yõog bugum.