A Matiye Sõng 6
6
Wẽn-kosg la pʋʋsg yelle
1 #
Mt 23,5. Gũus-y n da maan y tʋʋm sõma neb a taaba taoore nagr yĩng bal ye. Ka rẽ y kõn paam dolbo y Ba sẽn be arzãna nengẽ ye. 2Fo sã n na n yols ned nimbãanega bɩ f ra yi n moon yɩnga wa ninsaan-kazukem kẽere sẽn maand pʋʋsg rotẽ la sotiisẽ n baood neb pẽgr ye, tɩ m togsd-y la vẽenega, bãmb dãmb zoe n paama b rolbo. 3Fo sã n dat n yols ned nimbãanega bɩ f ra sak tɩ f goabg bãng f rɩtg sẽn maand bũmb ning ye. 4Woto ned kõn bãng fo sẽn maan-a ye la f Ba Sõng sẽn ne likẽ wã na rol-fo.
5 #
Lk 18,10-14. Y sã pʋʋsdẽ bɩ y ra maan wa zãmb rãmba sẽn maanda ye; bãmb sã n na n pʋʋse, b baooda zĩig ning neb wʋsg sẽn tõe n yãend-ba, pʋʋsg roto la sobadse. M yet-y lame tɩ b zoe n paama b rolbo. 6Fo sã n pʋʋsdẽ bɩ f kẽ f roogẽ n lɛɛg n pag f kʋɩlenga la f pʋʋs f Ba, lillẽ, tɩ f Ba sẽn ne likẽ wã na rol-fo.
7Y pʋʋsg pʋgẽ bɩ y ra baam wala bu-zẽmba ye; b tẽedame tɩ b sã n gomd n pa yɛɛdẽ la Wẽnd kelgd b pʋʋsgo. 8Da maan-y wa bãmb bada, tɩ y Ba zoe n mii y sẽn tar bũmb ning tʋʋmde tɩ y nan ka yaag y noor ye. 9Dẽ yĩngã pʋʋs-y woto:
‹Tõnd Ba sẽn be arzãnẽ,
y yʋʋr paam pẽgre,
10tɩ y Rĩung yalse,
tɩ b maan y yam
tẽng zug, wẽnd b sẽn maand arzãna.
11Kõ-y tõnd dũnna d beoog-beoog fãa rɩɩbo.
12Kõ-y tõnd d yel-wẽna sugri
wẽnd d sẽn kõt d taab sugri,
13la y ra bas tɩ d lʋɩ kʋɩɩbg pʋgẽ ye
la y fãgd-d wẽnem soaba nugẽ.›
14N-ye! Yãmb sã n kõ y taab sugri, y Ba sẽn be arzãna me na kõ yãmb sugri. 15#Mk 11,25-26. La yãmb sã n pa kõ y taab sugri, y Ba wã me kõn bas-y taal ye.
No-loeer yelle
16Y sã n loet y noor bɩ y ra gãnem y neng wa zãmb rãmba sẽn maanda ye; b takda b nenga tɩ neba tõog n yãe tɩ b sɩd maanda no-loeere. M yet-y lame tɩ b zoe n paama b rolbo. 17Fo sã n loet f noore bɩ f zɛ f zug kaam la f pek f nenga, 18woto ned kõn bãng tɩ f loee noore sã n ka f Ba wã bal sẽn yɛs lillẽ wã, la bãmb sẽn ne likẽ wã na rol-fo.
Arzɛk sẽn be zĩig ninga
19 #
Zak 5,2-3. Tẽng zug ka, bɩ y ra tigs arzɛk ye tɩ bugd la zũnzũur dɩtame, tɩ wagdb pood roto n zuuda. 20Tigs-y y arzɛka arzãnẽ, tɩ be, bugd la zũnzũur ka n dɩtẽ ye la wagdb me ka pood n zuud ye. 21F arzɛk sẽn be zĩig ninga, be me la f sũura na n zĩndi.
Nif yelle
22Nif la yĩnga fitila. Fo nif sã n ya sõmbo, fo yĩnga fãa bee vẽenemẽ. 23La f nif sã n sãame, f yĩnga zãng bee likẽ. Fo vẽenem sã n lebg lika, fo lik yɩta a wãna?
Wẽnd la ligd yelle
24Ned ka tõe n maan zu-soaben-dãmb a yiib raab ye, f na kisga a ye, n nong a ye, f na n basa a ye n tũ a ye. Yãmb me ka tõe n pʋg Wẽnnaam la y pʋg Ligd ye.
Dɩk f meng n bas ne Wẽnde
25Yaa rẽ yĩng la m yet-y: da bʋ-y y vɩɩma poorẽ, n sokd-y y sẽn na n dɩ bũmb ning ye; la y ra bʋ y yĩnga poorẽ n sokd-y y sẽn na n yeelg fuug ning ye. Vɩɩma ka yɩɩd dɩɩbo la yĩnga ka são fuugu? 26Ges-y luiili sẽn yɩgd yĩngri: b ka bʋte, b ka kẽebde, b ka suiid baoorẽ ye, la y Ba sẽn be arzãna dɩlgd-b lame. Yãmb pa yɩɩd bãmb sɩda? 27Yãmb sʋka ãnda n tõe n zĩnd n bʋ n paas a vɩɩma woglem kãntɩɩg a ye? 28La fut poorẽ, bõe yĩng la y na n bʋ? Ges-y pʋt puudu: ges-y b sẽn yit toto, b pa namsde, b ka wĩid lamdo. 29#1Dĩm 10,4-7; 2Nar 9,3-6. La m yet-y lame t'a Salomo ne a zɩɩra sẽn yɩ a soaba, ka tõog n paam fu neer wa bãmb dẽnda buud n yeelg ye. 30Wẽnd sã n yeelgd pʋt mood woto, bũmb sẽn be rũnna n na n yɩ bugum dɩɩb beoogo, b kõn maan tɩ yɩɩg boto yãmb yĩnga, tẽeb kɩdg rãmba? 31Da bʋ-y n yetẽ: d na n dɩɩ bõe la d na n yũu bõe la d na n yeelga bõe ye, 32tɩ bu-zẽmbã n zĩi n bʋʋd boto. Yãmb Ba sẽn be yĩngrã miime tɩ y tara rẽ fãa tʋʋmde. 33Deng-y n bao-y arzãn Rĩungã ne a sõmblem tɩ sẽn keta fãa b na kõ-y rẽ wa lɛnga. 34Da sũk-y beoog poorẽ tɩ beoog na baoo a rẽnna. Daar fãa ne a zɩɩbo, sekd-a lame.
Currently Selected:
A Matiye Sõng 6: SSDC98
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
