A Matiye Sõng 8
8
Wãoor sãoogre
(Mk 1,40-44; Lk 5,12-14)
1A Zezi siga tãngã tɩ neb wʋsg sɩng b pʋgbo. 2Yĩng soab a ye n waa n wõgemd b taoore n yeel-ba: «Yãmb sã n dat waa, m Soaala, y tõe n sãoog-m lame.» 3B tẽega b nus n sɩɩs-a n yetẽ: «Sãoog tɩ m nonga rẽ.» Wakat kãng bala a yĩnga yɩlgame. 4#Man 14,1-32. T'a Zezi na n yeel-a: «Sõng n da gom tɩ neb wʋm ye, kẽng tɩ maan-kʋʋda yãend-fo la f kɩs kũun ning a Moyiiz sẽn yet tɩ b kɩs a soaba tɩ yɩ f sãoogr kaseto.»
Tãnsoab a ye biig sãoogre
5B sẽn kẽ Kafarnaom tẽnga la tãnsoab a ye sẽn bʋʋg-ba n na n kos-b bũmbu. A yeelame: 6«Soaala, m dakõor n gãe yiri, a nus la a nao kiime la a namsda wʋsgo.» 7A Zezi yeel-a lame: «M na kẽng n tɩ sãoog-a!» 8Tãnsoaba leokame: «Soaala, m zema bõe tɩ y na n kẽ m zakẽ? Yeel-y gomd a ye bala tɩ m dakõora na sãooge. 9Ade, maam ne m sẽn pa na-kãsengã, m soo tãb-biisi, m sã n yeel a ye: kẽnge! A kẽngdame, m sã n yeel a to: wa! A watame; m sã n yeel m dakõorã: maan woto! A maandame.» 10A Zezi wʋma gomdã la kẽ-la b sũurẽ tɩ b yeel b poorẽ dãmba: 11#Lk 13,29. «Mam yeta yãmba, m pa yãend tẽeb a woto buud Israyɛl kamb sʋk ye. Wʋsg na n yii yaanga la taoore n wa paam tɩgra roog n kẽ ne a Abraam, a Izaak la a Zakoob arzãn Rĩung pʋgẽ, 12#Mt 22,13; 25,30; Lk 13,28. tɩ Rĩunga kamb mens na n yaool n pa yɩnga, likẽ, n yãbd tɩ b yẽn kẽrsdẽ.» 13B yaool n yeela tãnsoabã: «Dɩk f sore, la Wẽnd na kõ foom f sẽn tẽede.» Wakat kãng bala dakõora paama laafi.
A Piyɛr reem-poak sãoogre
14A Zezi sẽn kẽ a Piyɛr zakẽ, a mikame tɩ yẽ reem-poak gãeeme n pa keemẽ. 15B sɩɩsa reem-poaka nug la a sãoogame la a yikame n segl-ba.
Neb kʋʋng sãoogre
16Zĩig sẽn waa n sobge, b talla neb wʋsgo n wa b taoore; sʋtãamba n da be b pʋsẽ; b yiisa gomd bala n dig sʋtãamba, la bãad dãmb sãoogame. 17#Iz 53,4. La yɩɩ woto la bãngd a Izayi gomda taasyã: A rɩka tõnd komslem, tõnd bãase n tʋk a menga.
A Zezi tũudem sẽn dat bũmb ninga
18A Zezi mikame tɩ sẽn pʋgd-b bãmbã da yaa wʋsgo tɩ b na n kõ noor tɩ b rʋʋg kʋɩlgã. 19Sɛb-mit a ye kolg-b lame n leok-ba: «Soaala, y sẽn dabd zĩig ning fãa m na tũ-y lame.» 20T'a Zezi yeel-a: «Waas tara b roto, tɩ yĩngr luiili tar b tʋgdo; Ned Biiga bala n ka tar gãag zĩiga.»
21B karen-biig a ye n waa n yeele: «Soaala, m kota sor n deng n tɩ solg m ba.» 22La a Zezi leok-a lame: «Tũ maam la f bas kɩɩmsa ti b mum taaba.»
Ko-wiis sigsgu
23Dẽ poore b kẽe koom koglg ne b karen-biisi. 24Ko-wiis rãmba bɛd-bɛda tɩ koglga rat n lisi. Dẽ t'a Zezi gõeeme. 25Karen-biisa kolgame n nek a Zezi n yeel-ba: «Soaala, wa-y tɩ d na n kiime!» 26A Zezi leok-b lame: «Bõe yĩng la y zoet dabeem, tẽeb bilf rãmba?» B sẽn yiki, b tãsa mogrã ne sobgã la bũmb fãa lebga sɩɩ. 27Neba pɛleng yɩkame tɩ b yeele: «Nin-kãnga la a bõe tɩ sobd la mogr meng deegd a noore?»
Gadar tẽng wẽnd makre
28A Zezi sẽn dʋʋg mogrã n ta Gadar tẽnga la neb a yiibu, sẽn tar Sʋtãan b pʋsẽ, yi yaadẽ n seg-ba. B ra yaa nin-toose al wʋsgo, al tɩ ned ba a ye ra pa le saagd n tũ sor ning sẽn yegd-a be wã ye. 29B sɩnga moonego: «Wẽnd Biiga baooda bõe ne-do? A wat n na n zoe n nams-d lame tɩ wakat nan ka yao?» 30Sẽn vẽsg be bilfu, kurkuy wʋsgo n da wãbd yamdo. 31Sʋtãamba yeela a Zezi: «D kotame tɩ f sã n dig-d ka n yiis bɩ d tɩ kẽ kurkuya!» 32B yeel-b lame tɩ b kẽnge la b yiime n tɩ kẽ rũmsã tɩ b kaoog vugr bala n sig n kẽ mogrã tɩ kooma rɩ-b gilli. 33Rũm-kɩɩmba ninga tĩiga n ta n togs tẽnga rãmba rũmsa sãoongo la neb a yiiba sãoogre. 34Tẽnga tõr yiime n na n seg a Zezi; b sẽn yãend-ba, b kos-b lame tɩ b yi b tẽngẽ.
Currently Selected:
A Matiye Sõng 8: SSDC98
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
