MARKA 9

1Chuleh, a kiang un, “Titakzet in ka hil la hiu, Zia tak ah dingte lak ah hin, Pathian gam chu thilhitheina tawh hung tung a mu masang siau thina tep lo ding lawi a um ui,” a tia.

Jesu Mêl Danglamna

(Mat 17.1-13; Luk 9.28-36)

2 # 2 Pe 1.17,18 Ziazaw ni guk nung ah chun Jesu chun, Peter, Jakob leh Johan chu a chuam in tângsâng tak khat ah a pui chuam ah. A mit muu ah chun a mêl a hung danglam a,

3a puante chu a vam hoi ma ma ziang a, lei ah puansawp mite him him in zia gual ah chu a sawp vâm theilo ding khop uh ahi’n.

4Zia tak ah chun Elijah leh Mosi a hung kilâk ua, Jesu tawh a holim un.

5Peter in Jesu kiang in, “Rabbi, ei uh â dingin zia tak ah um hi a nuam hi; bawk pathum khaw hitiu in, nang â dingin pakhat, Mosi â dingin pakhat, chuleh, Elijah â dingin pakhat,” a tia.

6A lau ma ma ziak un, gen ding penle a hepuau hi.

7 # Mat 3.17; Mar 1.11; Luk 3.22 Ziaphatchun, amau haw lia in sûm a hung jing a, sûm lak ah aw gi chun: “Zia hi ka Chapa dawi tak ahi, ama thu ngai un,” a tia.

8Kin tak ah a et vêl leh, Jesu tilo ngal a kiang un kuama a mu ta puau hi.

Elijah Hungna Ding

9Tâng ah kipat a hung suk lai un, a thil muteu chu, Mihing Chapa hi thina kipat a thawkit masia kuama kiang ah gen lo dingin a khâm chak a.

10Zia thu chu a vop zing un, thina kipat thawkit, a ti chu bang a ti’na ahi diam, ti chu amau leh amau a kidong sek un.

11 # Mal 4.5; Mat 11.14 Amau chun a kiang in, “Lekhazikte’n bangtidan ah Elijah hung masa ding ahi, ti a hiu em?” ti’n a dong tau a.

12Ama chun, “Elijah chu hung masa him intin; bangkim siamtup ding ahi. Aleh, bangtidan ah Mihing chapa chungchâng ah; thil tam tak thuak intin, mite musit in um ding ahi ti, a zik uh a hem?

13Himaleh, ka hun hil la hiu, Elijah chu a hung ta him ahi; chuleh, a chanchin kizik gual ngei in a chung ah a nop nop unle a la bawl ta him uh ahi,” a tia.

Pawsal Naupang Thitha Mat Sukdamna

(Mat 17.14-21; Luk 9.37-43)

14A nungzui dangte kiang a hung tun phat un, a kîmvêl ua mipi tam tak um leh, lekhazikte a la kinial chu a muu a;

15mipi zosia chun ama chu a muu in lamdang a sau a, ama chibai bûk dingin a del tau a.

16Ama chun a kiang un, “Amau haw tawh bang thu kinial la hiu em?” ti’n a dong a.

17Mipi lak ah pakhat in a hun dawnhu a, “Hotupa, ka chapa thitha vop ziak ah pautheilo ka hun pui a;

18khoi mun hilehle a soisakna taphot ah chun, bawtel ding bawl in a bawl sek a; chilphuan a nawk ah, a ha a gawi ah, a gawng deu deu ziang hi; la nungzuite hi a nawdok ding ah ka dot leh la a hithei puau in,” a tia.

19Ama chun a kiang un, “Aw khangthak ginna neilote haw! Bangchan hun umpi nalai ding ka hi em? Bang chan hun kithuapi nalai ding ka hem? Ama chu ka kiang in hun pui un,” a tia.

20Tichun, naupang chu Jesu kiang in a hun pui un; thitha chun ama chu a hun mu phât in, naupang chu nasa tak in a hun sawi ah, leitual in a pûk ah, chilphuan nawk in a kitel a.

21Jesu’n a pa kiang in, “A hiti’na hi bang chan a hita em?” a tia. A pa chun, “A neu lai ah kipat ahi tai.

22A châng leh ama hi’mangthai dingin mei lak leh, tui lak po inle a sawn lut a; nang in la hi’thei chun ei lungsiat inla, ei panpi in,” a tia.

23Jesu’n a kiang in, “La hi’thei chun! A gingchate â dingin bangkim bawl piak thei ahi,” a tia.

24Zia naupang pa chu a hung kikodok a, “Lalpa, ka ging hi, ka ginlâna ei panpi in,” a tia.

25Jesu’n mipi hung taikhawmte chu a mu phât in, thitha buak chu a vau a, “Zia naupang hi bengngong leh pautheilo ah koipa, thu ka hun pia ahi: A sung ah kipat hin hung pawtdok inla, chuleh lut kit ta kin,” a tia.

26Ziaphatchun, thitha chu a hung kiko ah, naupang chu nasa tak in a hun sawi ah, ama ah kipat chun a hung pawtdok tai; naupang chu a thi a bang ziang ah, mi khenkhat vang chun, “A thi hita’n a,” a tiu a.

27Himaleh, Jesu’n a khut ah tu’n a kaitho ah; a hung dingdok thei tai.

28In sung a lut phatin, a nungzuite’n a chuam in a dong ua, “Bangatileh, kei un nawdok theilo ka hiu em?” a tiu a.

29Ama chun, a kiang un, “Zia tawh bang hi pauchapna leh anngawlna longal in nawdaw thei ei puai,” a tia.

Jesu’n A Thina leh Thawkitna Ding A Genlawk Kitna

(Mat 17.22-23; Luk 9.43-45)

30Zia kipat chun a pawtdok un, Galili gam haw malam in, a chiana lam uh chu kuama het ding a nuam pua’n;

31a nungzuite chu thu a hil ah, a kiang un, “Mihing Chapa hi mite khut ah matsak ah um ding ahi’n, hun that intiu in, a ni thum ni leh hung thokit ding ahi,” a tia.

32A thugen chu a umzia a hepuau ah; himaleh, ama a dong ngam diak puau hi.

Kua A Hem A Lopipen Chu

(Mat 18.1-5; Luk 9.46-48)

33Kapernaum khua a hung tung ua; In sung ah a um lai in, a kiang un, “Lampi la kinialnau kha bang thu a hem?” a tia.

34 # Luk 22.24 Himaleh, amau chu a thip chil chel un; lampi’ a kinialnau chu, a lak ua kua a lopi pen diam, ti thu ahi ngal a.

35 # Mat 20.26,27; 23.11; Mar 10.43,44; Luk 22.26 A kichu, sawm leh nite a ko ah, a kiang un, “Kuale a masa pen hi a nop chun a nunung pen ah a pan ah, mi zosia nasem ah a pan phot ding a hi,” a tia.

36Naupang pakhat a kai ah, a lak un a dinsak ah; a âng in a pâi ah, a kiang un:

37 # Mat 10.40; Luk 10.16; Joh 13.20 “Kuale ka min ziak ah zia gual naupang pakhatle lop tapo chu keima ei lop hi’n au; kuale keima ei lop chu keima ei lop hilo in, ei sawlpa lop a hizawi,” a tia.

Midang Pakhat in Thitha buak Nawdok

(Luk 9.49-50)

38Johan chun a kiang in, “Hotupa, la min ah mi pakhat, thitha nawdok ka muu ah, eimau ei zui lo ziakin ka hun awimawu hi,” a tia.

39Himaleh, Jesu’n, “Ama chu awimaw kiu in, keima ei gensia ngal ah, keima min ah thilmak bawl thei umlo ding ahi.

40 # Mat 12.30; Luk 11.23 Kuale ei do lo chu ei lam ah pang ahi.

41 # Mat 10.42 Titakzet in ka hil la hiu, Khrista min ah tuivot no khat dawn ding hun pe tapo chunle, kipak man mulo in um pua’n au,” a tia.

Gilo Ding ah Thepna

(Mat 18.6-9; Luk 17.1-2)

42La lak ua kua’nle, keima ei gingte lak ah a neupen le a sukpûk chun, a ngawng in suang sumhêk lianpi kikhâi hen la, tuisuagiat ah kipai lut leh ama â dingin pha zaw’n a.

43 # Mat 5.30 La khut in a hun sukpûk leh tan mai in; khut pani nei ah gawtmun mei mit theilo ah la chia sâng in, khut langkhat bei ah hinna lut chu nang â dingin phazaw’n a.

44A lungle thi ta pua’n tin, a meile mit diak lo ding ahi ngal a#châng 44,46,48 cheng hi I text un a um puai.

45Chun, la keng in a hun sukpûk leh tan mai in; keng pani nei ah gawtmun mei mit theilo ah la chia sâng in, keng langkhat bei ah hinna lut chu nang â dingin phazaw’n a.

46A lung le thi ta pua’n tin, a mei le mit diak lo ding ahi ngal a#zia chang hi I text un a um puai.

47 # Mat 5.29 Chuleh, la mit in a hun hi’puk leh kheldok mai in; mit pani nei ah gawtmun mei mit theilo ah la chia sâng in, mit langkhat bei ah Pathian gam ah lut chu nang â dingin a phazawi.

48 # Isa 66.24 A lung le thi ta pua’n tin, a mei le mit diak lo ding ahi ngal a.

49Mizosia hi mei ah sukthian hiding a hiu.

50 # Mat 5.13; Luk 14.34,35 Chi hi a phai; himaleh, chi le a alna bei taleh bang in a hi-al kit thei ta diam? Nangmau ngei in chi hi nei unla, kicham dial dial in um un, a tia.

Currently Selected:

MARKA 9: VAIPBSI

Highlight

Copy