Popular Bible Verses from MARKA 9

Share

Jesu’n a kiang in, “La hi’thei chun! A gingchate â dingin bangkim bawl piak thei ahi,” a tia.

Zia naupang pa chu a hung kikodok a, “LALPA, ka ging hi, ka ginlâna ei panpi in,” a tia.

In sung a lut phatin, a nungzuite’n a chuam in a dong ua, “Bangatileh, kei un nawdok theilo ka hiu em?” a tiu a. Ama chun, a kiang un, “Zia tawh bang hi pauchapna leh anngawlna longal in nawdaw thei ei puai,” a tia.

Chi hi a phai; himaleh, chi le a alna bei taleh bang in a hi-al kit thei ta diam? Nangmau ngei in chi hi nei unla, kicham dial dial in um un, a tia.

“Kuale ka min ziak ah zia gual naupang pakhatle lop tapo chu keima ei lop hi’n au; kuale keima ei lop chu keima ei lop hilo in, ei sawlpa lop a hizawi,” a tia.

Titakzet in ka hil la hiu, Khrista min ah tuivot no khat dawn ding hun pe tapo chunle, kipak man mulo in um pua’n au,” a tia.

La lak ua kua’nle, keima ei gingte lak ah a neupen le a sukpûk chun, a ngawng in suang sumhêk lianpi kikhâi hen la, tuisuagiat ah kipai lut leh ama â dingin pha zaw’n a.

Chuleh, la mit in a hun hi’puk leh kheldok mai in; mit pani nei ah gawtmun mei mit theilo ah la chia sâng in, mit langkhat bei ah Pathian gam ah lut chu nang â dingin a phazawi.