ດ້ວຍເຫດນີ້ ຂ້ານ້ອຍຈຶ່ງຄິດວ່າຕົນເອງບໍ່ສົມຄວນແມ່ນແຕ່ຈະມາຫາພຣະອົງ. ຂໍພຽງແຕ່ພຣະອົງກ່າວເທົ່ານັ້ນ ແລະ ຄົນຮັບໃຊ້ຂອງຂ້ານ້ອຍກໍຈະຫາຍດີ. ເພາະວ່າຂ້ານ້ອຍເອງມີທັງຜູ້ບັງຄັບບັນຊາ ແລະ ມີທະຫານທີ່ຢູ່ໃຕ້ບັງຄັບບັນຊາຂອງຂ້ານ້ອຍດ້ວຍ. ຂ້ານ້ອຍສັ່ງຄົນນີ້ວ່າ, ‘ໄປ’ ແລ້ວລາວກໍໄປ, ສັ່ງຄົນນັ້ນວ່າ, ‘ມາ’ ແລ້ວລາວກໍມາ, ຂ້ານ້ອຍສັ່ງຄົນຮັບໃຊ້ວ່າ, ‘ຈົ່ງເຮັດສິ່ງນີ້’ ແລ້ວລາວກໍເຮັດຕາມ”.
ເມື່ອພຣະເຢຊູເຈົ້າໄດ້ຍິນດັ່ງນັ້ນ ພຣະອົງກໍປະຫລາດໃຈໃນລາວ ແລ້ວຫັນມາກ່າວກັບປະຊາຊົນທີ່ຕິດຕາມພຣະອົງມານັ້ນວ່າ, “ເຮົາບອກພວກເຈົ້າວ່າເຮົາບໍ່ເຄີຍພົບຄວາມເຊື່ອໃຫຍ່ເທົ່ານີ້ແມ່ນແຕ່ໃນອິດສະຣາເອນ”.