Popular Bible Verses from ລູກາ 6

Share

ຈົ່ງ​ໃຫ້​ແລ້ວ​ພວກເຈົ້າ​ຈະ​ໄດ້​ຮັບ. ດ້ວຍ​ເຄື່ອງຜອງ​ທີ່​ຍັດ​ສັ່ນ​ລົງ​ແໜ້ນ​ເຕັມລົ້ນ​ຈະ​ຖືກ​ເທ​ລົງ​ໃນ​ຕັກ​ຂອງ​ພວກເຈົ້າ. ເພາະວ່າ​ພວກເຈົ້າ​ຈະ​ໃຊ້​ເຄື່ອງຜອງ​ອັນໃດ​ກໍ​ຈະ​ໃຊ້​ເຄື່ອງຜອງ​ອັນ​ດຽວ​ກັນ​ນັ້ນ​ຕວງ​ໃຫ້​ພວກເຈົ້າ”.

ຄົນດີ​ຍ່ອມ​ນຳ​ສິ່ງ​ດີ​ອອກ​ມາ​ຈາກ​ຄວາມດີ​ທີ່​ສະສົມ​ໄວ້​ໃນ​ໃຈ​ຂອງ​ຕົນ, ສ່ວນ​ຄົນຊົ່ວ​ກໍ​ນຳ​ສິ່ງ​ຊົ່ວ​ອອກ​ມາ​ຈາກ​ຄວາມຊົ່ວ​ທີ່​ສະສົມ​ໄວ້​ໃນ​ໃຈ​ຂອງ​ຕົນ. ເພາະ​ໃຈ​ເຕັມ​ລົ້ນ​ດ້ວຍ​ສິ່ງ​ໃດ​ປາກ​ກໍ​ເວົ້າ​ສິ່ງ​ນັ້ນ​ອອກ​ມາ.

ແຕ່​ຈົ່ງ​ຮັກ​ສັດຕູ​ຂອງ​ພວກເຈົ້າ, ຈົ່ງ​ເຮັດ​ດີ​ຕໍ່​ພວກເຂົາ ແລະ ຈົ່ງ​ໃຫ້​ພວກເຂົາ​ຢືມ​ໂດຍ​ບໍ່​ຫວັງ​ວ່າ​ຈະ​ໄດ້​ສິ່ງໃດ​ຄືນ​ມາ. ແລ້ວ​ພວກເຈົ້າ​ກໍ​ຈະ​ໄດ້​ຮັບ​ບຳເໜັດ​ອັນ​ໃຫຍ່ ແລະ ພວກເຈົ້າ​ຈະ​ໄດ້​ເປັນ​ລູກ​ຂອງ​ພຣະເຈົ້າ​ຜູ້​ສູງສຸດ, ເພາະວ່າ​ພຣະອົງ​ຍັງ​ກະລຸນາ​ຕໍ່​ຄົນ​ເນລະຄຸນ ແລະ ຄົນຊົ່ວ.

ຈົ່ງ​ມີ​ຄວາມ​ເມດຕາ​ເໝືອນດັ່ງ​ທີ່​ພຣະບິດາເຈົ້າ​ຂອງ​ພວກເຈົ້າ​ມີ​ຄວາມ​ເມດຕາ.

“ຢ່າ​ຕັດສິນ​ຄົນ​ອື່ນ ແລ້ວ​ພວກເຈົ້າ​ຈະ​ບໍ່​ຖືກ​ຕັດສິນ. ຢ່າ​ກ່າວໂທດ​ຄົນ​ອື່ນ ແລ້ວ​ພວກເຈົ້າ​ຈະ​ບໍ່​ຖືກ​ກ່າວໂທດ. ຈົ່ງ​ຍົກໂທດ​ໃຫ້​ຄົນ​ອື່ນ ເພື່ອ​ພວກເຈົ້າ​ຈະ​ໄດ້​ຮັບ​ການຍົກໂທດ.

“ແຕ່​ເຮົາ​ບອກ​ພວກເຈົ້າ​ທີ່​ກຳລັງ​ຟັງ​ເຮົາ​ກ່າວ​ຢູ່​ວ່າ: ຈົ່ງ​ຮັກ​ສັດຕູ​ຂອງ​ພວກເຈົ້າ, ຈົ່ງ​ເຮັດ​ດີ​ຕໍ່​ຜູ້​ທີ່​ກຽດຊັງ​ພວກເຈົ້າ, ຈົ່ງ​ອວຍພອນ​ຜູ້​ທີ່​ປ້ອຍດ່າ​ພວກເຈົ້າ, ຈົ່ງ​ອະທິຖານ​ເພື່ອ​ຜູ້​ທີ່​ຂົ່ມເຫັງ​ພວກເຈົ້າ.

ຖ້າ​ພວກເຈົ້າ​ຢາກ​ໃຫ້​ຄົນ​ອື່ນ​ເຮັດ​ຢ່າງໃດ​ແກ່​ພວກເຈົ້າ ກໍ​ຈົ່ງ​ເຮັດ​ຕໍ່​ພວກເຂົາ​ຢ່າງນັ້ນ​ເໝືອນກັນ.

ຖ້າ​ຜູ້ໃດ​ຕົບ​ແກ້ມ​ຂອງ​ພວກເຈົ້າ​ເບື້ອງ​ໜຶ່ງ ຈົ່ງ​ປິ່ນ​ແກ້ມ​ອີກ​ເບື້ອງ​ໜຶ່ງ​ໃຫ້​ພວກເຂົາ. ຖ້າ​ຜູ້ໃດ​ເອົາ​ເສື້ອຊັ້ນນອກ​ຂອງ​ເຈົ້າ​ໄປ ກໍ​ຢ່າ​ໄດ້​ຫວງຫ້າມ​ພວກເຂົາ. ຈົ່ງ​ໃຫ້​ແກ່​ທຸກຄົນ​ທີ່​ຂໍ​ຈາກ​ພວກເຈົ້າ ແລະ ຖ້າ​ຜູ້ໃດ​ເອົາ​ສິ່ງ​ທີ່​ເປັນ​ຂອງ​ພວກເຈົ້າ​ໄປ ຢ່າ​ທວງ​ເອົາ​ສິ່ງ​ນັ້ນ​ກັບ​ຄືນ​ມາ.

“ຕົ້ນໄມ້​ດີ​ຍ່ອມ​ບໍ່​ໃຫ້​ຜົນ​ຊົ່ວ ແລະ ຕົ້ນໄມ້​ຊົ່ວ​ຍ່ອມ​ບໍ່​ໃຫ້​ຜົນ​ດີ.

ເຮົາ​ຈະ​ຮູ້​ຈັກ​ຕົ້ນໄມ້​ແຕ່​ລະ​ຕົ້ນ​ໄດ້​ດ້ວຍ​ຜົນ​ຂອງ​ມັນ. ຄົນ​ຈະ​ບໍ່​ເກັບ​ໝາກເດື່ອ​ຈາກ​ຟຸ່ມໜາມ ຫລື ຈະ​ບໍ່​ເກັບ​ໝາກອະງຸ່ນ​ຈາກ​ເຄືອໜາມ.