Шлях ВучнёўстваУзор

Крок Пяты на Шляху Вучнёўства: Пасылаць

Чаму Ісус не забірае нас на неба адразу пасля таго, як мы становімся Яго вучнямі?

Калі мы ўжо АДКРЫЛІ для сябе Божую любоў, былі ВЫЗВАЛЕНЫ ад нашага грахоўнага жыцця і нарадзіліся нанова, ПРЫСВЯЦІЛІ сябе Божаму Слову, пакланенню і адзін аднаму і ПАСТАЛЕЛІ як вучні, кожны дзень становячыся ўсё больш падобнымі да Збаўцы... што яшчэ застаецца зрабіць?

Адказ знаходзіцца ў наказе, які Ісус даў Сваім паслядоўнікам пасля ўваскрасення, што раз і назаўсёды даказала, што Ён ёсць той, кім сябе называў, – Сын Божы. Ісус сабраў Сваіх вучняў. На той момант іх засталося адзінаццаць. І Ён сказаў ім ісці і рабіць вучняў.

Апошні крок на Шляху вучнёўства – гэта быць ПАСЛАНЫМ – ісці і рабіць вучняў.

Ісус не казаў: «Ідзіце і пабудуйце шмат цэркваў» або «Хадзіце ў царкву кожную нядзелю». Бо калі вы будуеце цэрквы, вынік можа быць розным, але калі вы робіце вучняў, вы заўсёды будзеце мець сходы ў Яго імя – сходы, якія будуць працягваць расці, калі гэтыя вучні будуць рабіць новых вучняў.

Менавіта так і адбылося ў ранняй царкве.

Тое, што пачалося з адзінаццаці чалавек — а iх ледзь хапіла б на спартыўную каманду — вырасла ў геаметрычнай прагрэсіі, бо гэтыя адзінаццаць паслухаліся Ісуса і пачалі множыць вучняў!

Ісці за Ісусам — гэта не занятак для пасіўных назіральнікаў. Мы павінны надзець форму сваёй каманды і ўключыцца ў гульню. Рост царквы Ісуса яшчэ не завершаны. Як сказана ў Лукі 10:2, «жаўціны багатыя, а работнікаў мала».

Ці гатовы ты стаць гэтым работнікам?

Калі так, пастаў будзільнік на 10:02 раніцы заўтра. Існуе міжнародны малітоўны рух сярод тых, хто памятае гэты верш і жадае быць работнікам на Божай ніве. Калі будзільнік зазвоніць, паглядзі, дзе ты і хто зараз побач з табой. Гэта твая ніва! Бярыся за працу!

Зрабі апошні крок на Шляху вучнёўства.

Як вучань Icуса, iдзii выканай Вялiкае даручэнне рабіць новых вучняў! Запрасі іншых прайсці Шлях вучнёўства разам з табой — АДКРЫЦЬ для сябе Божую любоў, атрымаць ВЫЗВАЛЕННЕ ад граху, ПРЫСВЯЦІЦЬ сябе Богу, ПАСТУПОВА РАЗВІЦЦА і быць ПАСЛАНЫМ на свае ўласныя нiвы.

Цяпер… Ідзі і рабі вучняў.