Шлях ВучнёўстваУзор

Прадназначаны

Што, калі, прыйшоўшыназямлю, Богпаказаўнам, хтодляЯгосапраўдыважны?

Я веру, што менавіта гэта і адбылося. Я веру, што Ісус Хрыстос паказаў, да каго Ён прыйшоў, праз людзей, з якімі знаходзіўся, і растлумачыў Сваю мэту ў трох прытчах з Евангелля ад Лукі, 15.

Гэтыя тры гісторыі, расказаныя Ісусам адна за адной, маюць аднолькавы сцэнарый: нешта або нехта губляецца, а потым знаходзіцца, і тады адбываецца вялікае радаснае святкаванне.

Найбольш вядомая з гэтых гісторый — пра страчаных сыноў: адзін быў згублены ў свеце, а другі — уласна дома. Звычайна мы засяроджваемся на сыне, які згубіўся ў свеце, узяў грошы бацькі, прамарнаваў іх, а калі грошы скончыліся, вярнуўся дадому. Але Ісус падкрэслівае, што і другі сын быў згублены. Хоць старэйшы сын заставаўся дома, ён быў далёка ад любові бацькі, бо паміж імі стаялі яго гнеў і рэўнасць.

Для бацькі ў прытчы абодва сыны былі згубленыя, і абодва былі любімыя.

Для нашага нябеснага Айца ўсе мы згубленыя, і ўсе мы любімыя.

Незалежна ад таго, згубiлiся мы ў свеце або дома, Бог чакае моманту нашага вяртання. Ён запрашае нас перайсці ад стану згубленасці і адзіноты да становішча знойдзеных. Ён запрашае вярнуцца дадому, да Яго любові.

Затым Ён заклікае нас стаць Яго памочнікамі.

Ён жадае, каб мы шукалі і знаходзілі згубленых у гэтым зламным свеце. Ён хоча, каб мы прывялі іх дадому, да Яго любові.

Як жа гэта зрабіць?

Ідучы Шляхам вучнёўства — правераным шляхам духоўнага росту, каб стаць вучнем, які прыводзіць да Хрыста новых вучняў. На працягу пяці дзён мы разгледзім крокі, праз якія можна дапамагчы іншым вярнуцца дадому да Айца, які прагне парадавацца іх вяртанню.