Шлях ВучнёўстваУзор

Крок Другi на Шляху Вучнёўства: Вызвалiць

Да таго, як я стаў хрысціянінам, у маім жыцці бывалі выдатныя часы, але, калі быць шчырым, я быў вельмі эгаістычным, ганарлівым, цынічным, злосным і агрэсіўным маладым чалавекам. Янасіўформузбліскучымігузікамі, алеўнутрызмагаўсязболем, прычыняючышкодусабеііншым.

Потым я пазнаў Ісуса Хрыста. АдзінзнаёмызначногаклубадаўмнеБіблію, іяпачаўяечытацьсамастойна. Аднойчы па дарозе на працу я пачуў хрысціянскую песню і зразумеў: «Гэта праўда! Ісус Хрыстос насамрэч Сын Божы!» Я ўбачыў, як Ісус на крыжы памірае не толькі за грахі ўсяго свету, але і за мае ўласныя грахі. Ён узяў усю віну на сябе, каб ВЫЗВАЛІЦЬ мяне ад грахоў і даць мне новае жыццё. Хвалі Божай ласкі, міласэрнасці, любові і прыняцця накрылі мяне, калі я нарадзіўся нанова.

Сённяшні ўрывак распавядае пра размову Ісуса з Нікадзімам, дзе Ісус тлумачыць, што трэба нарадзіцца нанова, каб увайсці ў Божае Царства.

Гэтая ідэя збянтэжыла Нікадзіма. І нават цяпер, праз дзве тысячы гадоў гэтая фраза ўсё яшчэ ўспрымаецца ў розных культурах хутчэй негатыўна.

Твая гісторыя можа быць падобнай на маю або зусім іншай, але, калі ты аднойчы паверыў у Бога, ты таксама нарадзіўся нанова. Жыццё да сустрэчы з Хрыстом засталося ў мінулым: ты спазнаў Ісуса Хрыста і цяпер маеш вечнае жыццё, напоўненае надзеяй, незалежна ад таго, што адбываецца тут, на зямлі.

Ці гатовы ты падзяліцца сваёй гісторыяй? Ці раскажаш ты іншым пра тое, што значыць нарадзіцца нанова і быць ВЫЗВАЛЕНЫМ, каб мець новае жыццё з Ісусам? Гэта наступны крок на Шляху вучнёўства, і, магчыма, Бог выкарыстае менавіта цябе, каб ВЫЗВАЛІЦЬ яшчэ кагосьці для новага жыцця.