Шлях ВучнёўстваУзор

Крок Чацвёрты на Шляху Вучнёўства: Развівацца

Iтак мы убачылі, што, калі мы АДКРЫВАЕМ для сябе Божую любоў, прымаем Хрыста і нараджаемся нанова, мы атрымліваем ВЫЗВАЛЕННЕ для новага жыцця, каб ПРЫСВЯЦІЦЬ сябе Божаму Слову, пакланенню і падтрымцы блізкіх.

Пасля гэтага тыя, хто ПРЫСВЯЦIЎ сябе Богу, пачынаюць духоўна РАЗВІВАЦЦА.

Не памылicя: збаўленне даецца бясплатна і імгненна, але рост у веры — гэта працэс.

Слова, якоеўБіблііперадаеццаяк «вучань», гэтаmathetes, штоазначае«той, хтовучыцца».

Гэта раскрывае сутнасць таго, што вучнёўства ў хрысціянстве не заключаецца ў адноразовым засваенні ведаў. Вучнёўства — гэта працэс станаўлення падобным да Настаўніка праз перайманне Яго шляху. Таму апостал Павел сказаў не «Рабіце тое, што я кажу», а «Пераймайце мяне, як я пераймаю Хрыста». Вось чаму Ісус не казаў: «Прыйдзіце, паслухайце мае пропаведзі». Ён сказаў: «Ідзіце за Мною».

Жыццё вучня — гэта шлях РАЗВІЦЦЯ, на якім вучань усё больш становіцца падобным да Настаўніка. Наша задача — пераймаць Яго, сведчачы пра свае адносіны з Ім праз сваё жыццё.

Ісус падкрэсліў гэты пасыл у прытчы пра таленты: важна не тое, што нам дадзена, а тое, як мы гэтым карыстаемся. Будзем мы РАЗВІВАЦЬ свае дары ці схаваем іх у зямлі?

Калі мы вырашаем быць сапраўднымі вучнямі і імкнемся быць падобнымі да Хрыста, людзі гэта заўважаць. Яны зададуць пытанні накшталт такіх:

«Як у цябе атрымлiваецца захоўваць надзею і спакой, калі свет здаецца такім страшным?»

«Што дапамагае табе заставацца ў шлюбе з адной асобай столькі гадоў?»

«Як так атрымліваецца, што, будучы нежанатым і жывучы ў чысціні, ты выглядаеш самым радасным чалавекам з тых, каго я ведаю?»

«Чаму цябе не турбуе стан эканомікі?»

«У чым твой сакрэт?»

I тады ў нас будзе магчымасць запрасіць іх на Шлях вучнёўства і стаць ВЫЗВАЛЕНЫМІ, ПРЫСВЯЧОНЫМI, СТАЛЕЮЧЫМI ВУЧНЯМI ХРЫСТА.