РутУзор

Рут дала абяцанне вернасці сваёй аўдавелай і бездзетнай свякрові. Гэта азначае, што ў пэўным сэнсе яна мусіць ўзяць на сябе ролю сына або мужа. Яна ўзяла на сябе адказнасць клапаціцца пра сваю свякроў, і прама зараз яны абедзве церпяць ад голаду. Добра ведаючы гісторыю сваёй новай радзімы, Рут вырашыла скарыстацца правам, прадугледжаным Старым Запаветам, якое дазваляла бедным збіраць рэшткі збожжа падчас жніва. І, здавалася б, выпадкова, яна апынулася на полі, якое належала чалавеку па імені Боаз.

Боаз даведваецца пра сітуацыю Рут і пра тое, што яна цяжка працуе ад першых промняў сонца. Ён таксама пачуў, што яна папрасіла дазволу збіраць не толькі рэшткі (што прадугледжваў закон), але і збожжа паміж снапамі, што склалі яго працаўнікі. Гэта выходзіла за межы патрабаванняў закона, але вернасць Рут да Наомі і яе смеласць папрасіць больш, змусілі Боаза праявіць надзвычайную шчодрасць. Ён запрасіў яе на абед і загадаў слугам, каб яны дазволілі ёй збіраць усё, што яна захоча. Напрыканцы працоўнага дня Рут назбірала амаль месячны запас ежы.

Наомі была шакаваная дабрынёй Баоза і зразумела, што ён з’яўляецца сваяком яе спачылага мужа і “адкупіцелем”. У Ізраілі гэтым тэхнічным тэрмінам абазначаецца член сям'і, які мае сацыяльны і юрыдычныабявязак клапаціцца пра бедных сваякоў, якія могуць страціць зямлю або спадчыну, асабліва, калі яны страцілі мужа.

Шчодры чалавек не толькі задаволіў неадкладныя патрэбы Наомі і Рут - Боаз яшчэ і выявіўся халасцяком. У асобе Боаза з’явілася надзея на аднаўленне, таго, што Рут і Наомі страцілі са смерцю мужоў і сыноў.

Лёсы Наомі і Рут пачалізмяняцца, калі Рут праявіла смеласць, адвагу і працавітасць. Боаз называе Рут "годнай жанчыный" за тое, як яна выконвае Божыя законы і клапоціцца пра сваю свякроў.

Традыцыйна, кніга Рут ішла адразу пасля 31 раздзелу кнігі Прыпавесцяў, у якім апісваецца мудрая і "годная" жанчына. Такое размяшчэнне запрашае нас паглядзець на Рут як на ўвасабленне мудрасці. Як і жанчына з Прыпавесцяў 31, яна рана ўстае і цяжка працуе, клапоціцца пра бедных і баіцца Госпада.

Калі Рут мудрая і верная, адкупіцель шчодра забяспечвае яе неабходным. Гэта таксама асноўная думка кнігі Прыпавесцяў: калі мы баімся Бога і жывем мудра, то Госпад узнагародзіць і збавіць нас.

Як і Рут, Ісус таксама ўвасабленне мудрасці. Як мудрасць Рут яскрава праявілася ў яе ахвярнай адданасці Наомі, так і апостал Павел кажа нам, што мудрасць Ісуса найбольш яскрава праявілася ў яго ахвярнай смерці. Ісус мудра пайшоў на крыж дзеля нас, падобна таму, як Рут пайшла на поле дзеля Наомі.

Як Боаз праявіў да Рут дабрыню, якая выходзіла за межы патрабаванняў закона, так і Ісус праяўляе да нас дабрыню, якая таксама пераўзыходзіць закон.Паводле закону, Рут мела права збіраць рэшткі на краю поля, а не піраваць пасярод яго. Гэтак жа закон кажа, што грэшнікі, такія як мы, заслугоўваюць пакарання і смерці, а не піра за Божым сталом.

Аднак Ісус мудра дае нам значна больш, чым мы заслугоўваем паводле закону. І ўсё, што трэба, каб атрымаць гэтую дабрыню - мудра папрасіць, як гэта зрабіла Рут.

Няхай Святы Дух расплюшчыць вашыя вочы, каб убачыць Бога, які забяспечвае ўсім неабходным. І вы ўбачыце Ісуса як таго, хто верна, мудра і ахвярна робіць нас сваёй сям'ёй.