РутУзор

Кніга Рут дае нам надзею на цара, які можа стварыць паўнату з пустаты.

Перад тым, як пачаць знаёмства з гісторыяй Рут, мы даведваемся, што ў гэты час у Ізраілі была эпоха Суддзяў. Напэўна,гэты быў найбольш змрочны з усіх перыядаў ізраільскай гісторыі: ён вызначаўся жорсткасцю ў адносінах да жанчын і адсутнасцю пабожных лідараў. Рут і Наомі, галоўныя гераіні, вылучаюцца як верныя жанчыны сярод пакалення няверных мужчын. Але, як і жыццё ўсяго Ізраіля, іх жыццё было поўнае трагедый і смерці. Ізраіль перажываў вялікі голад. Муж Наомі і два яе сыны памерлі. Наомі нават не жыве больш у Ізраілі: яна апынулася ў Мааве - краіне, народ якой быў даўнім ворагам Ізраіля. Яе адзіныя спадарожніцы - бясплодныя ўдовы яе сыноў, Рут і Орпа.

Становішча Наомі падаецца безнадзейным. У той культуры адзінай надзеяй для гэтых трох аўдавелых жанчын было нараджэнне сына, альбо шлюб з багатым мужчынам. Ніводны з гэтых варыянтаў не падаецца магчымым для трох бяздзетных чужаземак ва ўзросце.

Наомі разумее, што адзінай енай надзеяй было б пакінуць Мааў і вярнуцца ў родны горад Бэтлеем. Яна адгаворвае Рут і Орпу ісці з ёю, бо як мааўлянкі, у Ізраілі ім амаль гарантаванаежыццё меншасці, якую недалюбліваюць. Орпа вяртаецца дадому, але Рут дэманструе сваю адданасць Наомі. Замест таго, каб пакінуць свякроў, яна заяўляе, што Бог Наомі – гэта яе Бог, а народ Наомі - гэта і яе народ, і яна хутчэй памрэ, чым пакіне Наомі.

Такім чынам, яны разам пакідаюць Мааў. Наомі і Рут, бяздзетныя і згаладнелыя, нарэшце прыходзяць у Бэтлеем. Як намёк на тое, што Бог плануе зрабіць для іх і для Ізраіля, мы чытаем пра тое, што толькі-толькі пачалося жніво ячменю (Рут 1:22). Неўзабаве іх пустэча будзе запоўненая і народзіцца цар.

Калі мы паглядзім на самы пачатак гісторыі Ізраіля, то ўбачым, што яго прамаці (Сара, Рэбека і Рахіль)таксама не маглі мець дзяцей. Але Бог цудоўным чынам адкрыў іхнія ўлонні і даў свайму народу новага лідара. Мы чакаем, што гэтаксама адбудзецца і тут. Але гэтым разам няма мужчыны, які б дапамог у нараджэнні дзіцяці - Рут самотная бясплодная нявестка-чужаземка.

Ахвярнаць Рут і яе гатоўнасць прысвяціць сваё жыццё служэнню свякрові - гэта той шлях, якім Бог дасць Ізраілю новага цара. Мы абмяркуем гэта падрабязней у чацвёртым раздзеле кнігі Рут.

Як і Рут, Марыя была дзяўчынай і не магла мець дзяцей. Але яе гатоўнасць служыць Госпаду азначае, што праз яе народзіцца цар, які дабраславіць свет праз Сваё Царства. Ісус - плод вернасці Марыі і Рут. Ён нават нарадзіўся ў родным горадзе Наомі - Бэтлееме! Ісус - сапраўдны Цар не толькі Ізраіля, але і ўсяго свету. Ён нарадзіўся, каб запоўніць пустату нашага жыцця праз Сваё царскае кіраванне.

Таму, калі выбясплодныя, як Рут, або аўдавелі, як Наомі; або, як Ізраіль, засталіся без лідараў; калі вы галодныя ці бедныя, або навукова даведзена, што для вас няма напоўнення, – тады кніга Рут для вас. Дзіця нарадзілася, і яго імя Ісус. Калі вы, як Рут, аддана прысягнеце ў вернасці цару Ісусу, то атрымаеце ўсё неабходнае.

Няхай Святы Дух расплюшчыць вашыя вочы, каб вы пабачылі Бога, які ёсць Царом. І вы пабачыце Ісуса, які ёсць верным сябрам, што запоўніць вашу пустату.