ЭстэрУзор

Толькі што Эстэр стала царыцай Ксеркса. Але адразу ж пасля гэтага, Мардэхай, апякун і стрыечны брат Эстэр, раскрывае змову сярод царскіх еўнухаў, якія збіраліся забіць Ксеркса. Разам яны паведамляюць пра гэта цару, які хутка карае смерцю патэнцыйных забойцаў. Але замест таго, каб узнагародзіць Мардэхая за вернасць, Ксеркс узвышае Амана, нашчадка цара Агага. Яго паходжанне важнае, таму што раней казалася пра тое, што Мардэхай з’яўляецца нашчадкам Саўла, першага цара Ізраіля. Менавіта няздольнасць Саўла знішчыць Агага каштавала яму трона. З таго часу нашчадкі Агага сталі спрадвечнымі ворагамі нашчадкаў цара Саўла.

Тады Ксеркс патрабуе, каб усе ягоныя чыноўнікі схіліліся перад Аманам. Мардэхай адмаўляецца. Іншыя чыноўнікі цікавяцца, чаму Мардэхай не выканаў загад цара. Але зразумела, што Мардэхай не паўторыць грахоў сваіх продкаў. Пачуўшы пра непадпарадкаванне Мардэхая, Аман раз’юшаны. А даведаўшыся пра паходжанне Мардэхая, Аман стаў літаральна апантаны ідэяй генацыду. Ён мае намер нарэшце завяршыць канфлікт, распачаты ягонымі продкаміі.

Пасля гэтага Аман кідае жэрабя, якое называлася "пур", каб вызначыць найлепшую дату для вендэты. Вызначыўшыся, Аман прыходзіць да Ксеркса і просіць дазволу забіць усіх юдэяў пад выглядам абароны фінансавых інтарэсаў цара. Ксеркс дае сваю згоду. Персаў заахвочваюць забіваць усіх сваіх суседзяў-юдэяў і забіраць сабе нарабаванае. Але ніхто з іх не ўсведамляе, што гэты указ можа забіць царыцу Эстэр

Мардэхай паведамляе Эстэр пра змову Амана і моліць яе пайсці да цара і заступіцца за свой народ. Але Эстэр ведае, што гэта практычна азначае смяротны прысуд. Мардэхай папярэджвае, што яна ўсё адно можа памерці. Лепш аддацца на літасць Ксеркса, чым трапіць у рукі натоўпу забойцаў. Мардэхай упэўнены: калі Эстэр не будзе дзейнічаць, выратаванне для юдэяў прыйдзе аднекуль яшчэ. Але ён таксама ўздымае пытанне: ці не стала Эстэр царыцай менавіта для гэтага моманту? Перакананая ў тым, што яна павінна дзейнічаць (ці, прынамсі, перакананая, што ў яе няма выбару), Эстэр адказвае Мардэхаю, што пойдзе да цара: калі ёй наканавана памерці, то хай так і будзе.

Канфлікт паміж Мардэхаем і Аманам цягнецца нетолькі з часоў цароў Саўла і Агага. Яго пачаткі мы бачым ужо на першых старонак Бібліі. Бог абяцаў, што нашчадкі Змея ўвесь час будуць канфліктаваць з дзецьмі Евы - ажно да дня смерці, калі пятка Евінага сына раструшчыць галаву Змея. Мардэхай і Аман - гэта новае пакаленне, якое працягвае гэты старажытны канфлікт. Гэтым разам, аднак, ролі памяняліся. Бот Амана цяжка навісае над галавой Евінага сына, Мардэхая. Ці застанецца Бог верным і ці настане той абяцаны дзень смерці Змея? Або дзеці Евы толькі абіраюць паміж двума спосабамі памерці?

У кнізе Эстэр ніколі не ўзгадваецца ні Бог, ні . абяцанні, якія Ён даў свайму народу. Аднак Мардэхай, падаецца, верыць у гэты абяцаны дзень смерці. Ён перакананы, што збаўленне для нашчадкаў Евы прыйдзе калі не праз Эстэр, то праз кагосьці яшчэ. І ў момант, калі Мардэхай заахвочвае Эстэр стаць абяцаным Знішчальнікам Змея, ён таксама робіць прароцтва пра канчатковае выратаванне Божага народа ў Ісусе.

Як і Эстэр, Ісус рызыкуе сваім жыццём, знаходзячыся ў руках цара і ведаючы, што можа памерці. Але, у адрозненні ад Эстэр, Ісус памірае. Дзень смерці надыходзіць нават для Ісуса. Аднак ён паўстае з магілы, знішчыўшы Змея і яго сілы. Сваім уваскрасеннем Ісус канчаткова раструшчыў галаву Змея, спрадвечнага ворага народа Божага. У кнізе Эстэр Божыя мэты павінныя былі здзесніцца ў Персіі. Але ў Ісусе Божыя абяцанні спраўджваюцца поўнасцю і канчаткова.

НяхайСвятыДухрасплюшчыцьвамвочы, каб вы ўбачылі Бога, які запланаваў знішчэнне нашых ворагаў. І вы ўбачыце Ісуса як таго, хто раструшчыў галаву нашага ворага, калі яго пята была параненая на крыжы.