ЭстэрУзор

Кніга Эстэр ніколі не згадвае Імя Божага. Замест гэтага,у ёй апісваецца цар, які, здаецца, заняў месца Бога. Ксеркс, цар Персіі, ладзіць грандыёзнае свята для ўсіх сваіх кіраўнікоў, палітыкаў і слугаў. Гэты пір быў дэманстрацыяй беспрэцэдэнтнай улады, славы і багацця Ксеркса. На працягу 187 дзён валадары Персіі піруюць і п’юць са сваім царом. У сваёй шчодрасці і дастатку Ксеркс прыпадабняецца да бога. Нават ягоны палац выглядаў боска. Насамрэч, адзінае месца з Пісання, якое магло б параўнацца ў раскошы, прыгажосці і колеры з палацам Ксеркса, - гэта храм Божы.

Каб канчаткова прадэманстраваць сваю перавагу, Ксеркс выклікае сваю царыцу, Вашці, прадэманстраваць сваю прыгажосць перад сабранымі князямі ягонай імперыі. Але яна адмаўляецца ўдзельнічаць у гэтым пампезным спектаклі свайго мужа. Раззлаваны тым, што ягоная ўлада была публічна аспрэчаная, Ксеркс звяртаецца да сваіх раднікаў, каб вырашыць гэтую праблему. Яны сцвярджаюць, што жонкі чыноўнікаў Ксеркса таксама могуць пераканаць сваіх мужоў супрацьстаяць уладзе Ксеркса, як гэта зрабіла Вашці. Нягледзячы на ўсю сваю богападобную моц, улада Ксеркса выявілася вельмі крохкай і можа быць падарваная ўсяго адной жанчынай. Прыслухаўшыся да раднікаў, Ксеркс выганяе Вашці і вырашае замяніць яе больш падатлівай жонкай.

Маладыя прыдворныя прапануюць правесці конкурс, каб выбраць новую царыцу. У адрозненні ад Вашці, дзяўчаты царства мусяць паказаць сваю прыгажосць перад царом, а потым Ксеркс прадэманструе сваю богападобную ўладу над імі па чарзе. Тая жанчына, якая "задаволіць" яго найбольш, стане новай царыцай. Ксерксу спадабалася гэтая ідэя.

Але адной з жанчын, што былі ўцягнутыя ў план Ксеркса, была юдэйская дзяўчына Эстэр. Эстэр рыхтуецца ўвайсці ў спальню Ксеркса так, як святары Ізраіля рыхтаваліся да ўваходу ў Храм Божы. Калі ж Ксеркс нарэшце паклікаў яе, каб прадэманстраваць сваю ўладу над ёй, яна стала царыцай Персіі. Ксеркс арганізоўвае чарговае свята, і ўся імперыя зноў адчувае неверагодную шчодрасць свайго цара.

Бог ніколі не згадваецца ў кнізе Эстэр. Замест Яго перад намі - супярэчлівае боства ў асобе Ксеркса. Ён адначасова добразычлівы і шчодры да ўсіх, але люты. Ён – вярхоўны ўладар, чые ўказы маюць канчатковую сілу, але толькі калі яны напісаныя іншымі пасля добрага келіха. Таксама ён - імператар, чыя ўлада надзвычай крохкая ў руках жанчын, якіх ён на яго думку мог выкарыстоўваць. Неўзабаве, Эстэр нават адменіць адзін з "незваротных" указаў Ксеркса. Боскасць Ксеркса настолькі камічна іранічная, што немагчыма не задацца пытаннем: ці не піша гэтыя жарты нябачны Бог юдэяў?

Нябачнае пяро Бога часта абірае нечаканых жанчын, каб спыніць крывавыя бойні імперый зла. Вашці і Эстэр - гэта новыя ўдары Бога па крохкасці такіх імперый, як Персія. Нават нашае збаўленне ў Ісусе ад абсалютных імперый Граху і Смерці пачынаецца з таго, што Бог выбірае яшчэ адну юдэйскую дзяўчыну па імені Марыя. Як Вашці і Эстэр, яна з'яўляецца прадвесніцай крохкасці імперый. Марыя нават спявае пра тое, што яе цяжарнасць азначае канец сусветнага парадку, які існаваў да гэтага. І анёл абвясціў, што дзіця Марыі будзе вечна кіраваць як Цар.

Дзіця Марыі - гэта Ісус. У адрозненне ад Ксеркса, Ісус не ёсць царом, які прэтэндуе на ўсемагутнасць. Ён - Бог, які бярэ на сябе слабасць чалавецтва. Падобна таму, як Эстэр прывялі ў спальню імператара, так і Ісуса распранулі і паклалі ў магілу, боімператары гэтага свету дэманстравалі ўладу. Але як Эстэр паднялася са свайго ложка і атрымала карону царыцы, так і Ісус уваскрос з мёртвых і быў каранаваны як сапраўдны і адзіны ўсемагутны суверэнны Цар. У адрозненне ад Ксеркса, Ісус не выкарыстоўвае сваю ўладу, каб панаваць над слабымі, але ўсталёўвае Царства паслядоўнага і неіранічнага дабра для свайго народа. Безыменны Бог Эстэр кіруе вечна. І нават цяпер, у свеце, дзе здаецца, што Яго няма, Бог усё яшчэ піша жарты і выбірае малых і нязначных, каб скінуць ганарлівых, што лічаць сябе багамі.

Няхай Святы Дух расплюшчыць вам вочы, каб убачыць Бога, які часта здаецца нябачным. І вы ўбачыце Ісуса як Сына Марыі, які прыйшоў зрынуць імперыі свету.