Агей: Што далей?Узор

БогМаеАпошняеСлова

Цэнтральная тэма кнігі прарока Агея — гэта тое, што найвялікшае выражэнне пакланення — гэта паслухмянасць сэрца, адданага Богу. Агей заклікае народ Божы вярнуцца да сапраўднага пакланення, каб вярнуць законны аўтарытэт Бога над іх сэрцамі. Тое, чаму ты пакланяешся, мае сілу над тваім сэрцам, а значыць, і над тваім жыццём. Мы з табой не застрахаваны ад таго, каб увайсці ў грэх, ставячы на першае месца і нават абагаўляючы нешта іншае, акрамя Бога. Нам неабходна рабіць практычныя крокі, каб зноў скіраваць нашы сэрцы на Бога і змагацца з грахом у нашым жыцці. Агей нагадвае ізраільцянам, што толькі Богу варта пакланяцца, і толькі Бог мае ўладу ў нашым жыцці. Яго слова будзе апошнiм. Народ Божы толькі вярнуўся з выгнання, i Божыя заявы і абяцанні, выказаныя праз палітычныя і ваенныя вобразы ў прароцтвах Агея, сталі для іх асаблівай крыніцай суцяшэння.

Пасланне Агея да Зарававеля актуальнае і для нас сёння. Нам, пэўна, не давялося непасрэдна перажыць вайну, але духоўна мы знаходзімся ў стане вайны са светам, плоццю і д’яблам. Бог таксама нагадвае нам, што Ён пануе над кожнай сілай, уладай, царствам і ўрадам, якія калі-небудзь існавалі і будуць існаваць. У рэшце рэшт, усе яны будуць падпарадкаваныя Яго вярхоўнай уладзе і суду. Незалежна ад таго, наколькі бязлітаснай, выматваючай i знясільваючай здаецца цяперашняя барацьба ў тваім жыцці, дазволь ісціне, што за Богам апошняе слова, натхніць цябе і даць табе надзею. Аднойчы Бог знішчыць усiх праціўнікаў ў грандыёзным праяўленні сваёй усемагутнасці, бо Ён і святы, і справядлівы.

Бог праз Агея абвяшчае, што Ён выбраў Зарававеля, нашчадка Давіда, каб з адданасцю аднавіць пакланенне ў храме. Бог зробіць Зарававеля пярсцёнкам з пячаткай: знакам каралеўскай улады і асабістай уласнасці. Бог вяртае сваю ўладу і валоданне сваім народам з усіх нацый, выкарыстоўваючы Зарававеля для выканання важнай ролі. Зарававеля cёння не часта ўспамінаюць, але іншага нашчадка Давіда памятаюць усе — гэта Ісус, на якога Бог паказваў праз прароцтва Агея. Аднаўленне храма было прадказаннем таго, як Бог праз свайго Сына Ісуса адкрые шлях для чалавецтва зноў пакланяцца Яму ў духу і ісціне. Праз Хрыста мы трапляем пад уладу Нябеснага Айца. Гэты план чытання падыходзіць да канца, але тваё падарожжа ў тое, што чакае наперадзе, толькі пачынаецца. Нагадвай сабе давяраць Богу, заўсёды ставячы Яго на першае месца, імкнучыся да святасці і святкуючы цудоўную ісціну, што за Богам апошняе слова ў кожнай справе, у тым ліку і ў тваім жыцці.