Агей: Што далей?Узор

Што Бог хоча далей

У кнізе прарока Агея мы даведваемся, што Божы народ дакладна ведаў, чаго хацеў сам. Але яны не спыняліся, каб падумаць, чаго хоча Бог. Агей прыйшоў і заклікаў ізраільцянаў прывесці свае прыярытэты і чаканні ў адпаведнасць з жаданнямі Бога, бо толькі Ён можа даць ім найвялікшы дар – сваю прысутнасць. Калі мы праходзім праз цяжкасці, лёгка скласці спіс сваiхжаданняў. Мы адчайна імкнемся вярнуць сваё жыццё ў звыклае рэчышча, таму шукаем любую магчымасць палегчыць цяжкасці. Аднак, як і ізраільцяне, мы рэдка спыняемся, каб падумаць, чаго Бог можа хацець ад нас далей. Мы засяроджваемся на сабе замест таго, каб звярнуцца да Бога.

Ізраільцяне ў часы прарока Агея перажывалі сапраўдны стрэс — некаторыя цяжкасці былі па-за іх кантролем, некаторыя яны стварылі сабесамі. Цяжкасці, з якімі яны сутыкнуліся, прывялі іх да самазахавання, эгаізму i абыякавасці да Божай волі. Пасля вяртання ў Ерусалім яны заклалі падмурак храма, але пакінулі яго на наступныя 17 гадоў. Іх увага перамясцілася на ўласныя фізічныя патрэбы і ўцехі – такія, як хаты, ураджай, ежа і вопратка – і яны забыліся на аднаўленне Божага храма. Падумай пра апошняе, што Бог выразна сказаў табе зрабіць – месяц, год або дзесяць гадоў таму. Ці не адхiлiўся ты выпадкова ад паслухмянасці Божаму закліку з-за моцных пакутаў? Калі так, паразважай, як ігнараванне Божых намераў для твайго жыцця адлюстравалася на табе за апошні час.

Агей адважна ставіць Божы народ перад фактам іх абыякавасці да адбудовы храма. Вядома, Бог хацеў не проста будынак. Фізічны будынак павінен быў сімвалізаваць Яго прысутнасць і адносіны з людзьмі, якіх Ён любіў, а таксама сілу і намеры адзінага сапраўднага Бога для ўсіх навакольных народаў.

Бог жадаў, каб Ізраіль выпрацаваў здаровыя звычкі, якія спрыялі б пабудове добрых адносін з Ім. Праз Агея Бог заклікаў іх пакаяцца, змяніць прыярытэты і перанакіраваць сваё жыццё. Верагодна, ты зараз таксама сутыкаешся з абставiнамі, якія ствараюць ціск, адхіляюць цябе ад шляху ці прымушаюць занядбаць свае адносіны з Богам. Што зменіцца ў тваім жыцці, калі ты павернешся ад абыякавасці і пачнеш імкнуцца да Бога праз пакаянне, пераставіўшы прыярытэты і перанакіраваўшы сваё жыццё? Вызнач тыя рэчы ў сваім жыцці, якія адцягваюць цябе ад найлепшага, што Бог падрыхтаваў для цябе, – а потым пакайся, перастаў прыярытэты і перанакіруй свае намаганні, каб атрымліваць асалоду ад паўнаты Божай прысутнасці ў тваім жыцці. Вечны, усемагутныСтварыцель, якінемаепатрэбыніўчым, утымлiку i служэннi адчалавека, усёжхочабыцьуадносінахзнамі. Яго любоў непараўнальная, і яна прапануецца ўсім, хто пакорыцца, каб прыняць яе праз Яго Сына, Ісуса Хрыста. Ён Эмануіл - Бог з намі, - які неспынна заклікае нас накіраваць сваё жыццё на Яго, паказваючы, што чакае нас далей.