Агей: Што далей?Узор

Што Бог Зробіць Далей?

Адзін багаслоў, разважаючы пра сваю хрысціянскую веру, сказаў: «Першыя 50 гадоў самыя цяжкія.» Магчыма, гэта гучыць драматычна, але, магчыма, гэта і праўда. Праз дзесяцігоддзі змагання народ Божы дасягнуў мяжы сваіх сіл і навучыўся спадзявацца на Бога дзеля надзеі, сілы і падтрымкі. Мы таксама можам гэтак паступаць.

Я пішу гэтыя радкі, з'яўляючыся хрысціянінам ужо 20 гадоў, і я не ведаю, як прайшоў увесь гэты шлях. Былі часы, калі мае адносіны з Ісусам былі нялёгкімі, i я адчуваў, быццам я глыбока не апраўдваю Божых чаканняў. Я зразумеў, што мне не хапае ўласных сiл, каб ісці побач з Богам. Нашых намаганняў недастаткова, каб правесць нас да таго, што Бог падрыхтаваў для нас далей, але мы можам усцешыцца словамі, што часта сустракаюцца ў Новым Запавеце: «Але Бог!». Гэтыя словы даюць нам велізарную надзею ў нашым хрысціянскім жыцці.

Бог дзейнічае, каб пераадолець нашую недасканаласць, каб мы маглі сапраўды жыць для Яго. Ён умацоўвае і падтрымлівае нас на шляху веры, каб мы маглі прайсці праз непераможныя перашкоды дзякуючы Яго сіле. У кнізе Агея 2:1–9 апісваецца перадапошні дзень Свята Кучак. Народ Божы сабраўся ў Ерусаліме, каб узгадаць 40-гадовае блуканне Ізраіля ў пустыні і адзначыць цудоўнае забеспячэнне Бога падчас іх шляху. Месяц таму яны пакаяліся, змянілі прыярытэты і перанакіравалі свае намаганні на будаўніцтва Божага храма. І ўсё ж маральны дух у Ерусаліме быў нізкі. Народ быў знерухомлены духоўнай настальгіяй, якая не давала ім ступіць у тое, што Бог падрыхтаваў для іх далей. Яны былі ў роспачы, разумеючы, што іх найлепшых намаганняў недастаткова, каб зрабіць тое, да чаго заклікаў іх Бог. Аднак, калі мы аддаем сябе Яму, тое, што Бог хоча зрабіць у нашым жыцці далей, заўсёды пераўзыходзіць усё, што мы ведалі да гэтага. Праз Агея Бог паабяцаў народу сваю прысутнасць, сілу і мір і запэўніў іх, што будучыня будзе лепшай за мінулае.

Бог заклікаў Свой народ рухацца наперад з упэўненасцю, што Ён з імі і Ёнумацоўвае іх і духоўна, і фізічна. Ён скалануў бы народы дзеля таго, каб забяспечыць патрэбныя рэсурсы для аднаўлення храма, што і зрабіў праз Дарыя Персідскага. Памятаючы, што з табой Гасподзь Усемагутны, ты знойдзеш сілы для далейшых крокаў у жыцці. Ты не адзін, і Бог будзе працягваць падтрымліваць і забяспечваць цябе, даючы сілы зрабіць наступны крок.

Сам па сабе ніхто з нас не мае дастаткова сіл, каб быць тым, кім Бог нас заклікаў быць, і рабіць тое, да чаго Ён нас заклікаў. Але Бог! Заўсёды памятай, што наступная глава твайго жыцця ў Царстве Божым непахісная, незалежна ад таго, як моцна скалануўся свет вакол цябе. Твой Нябесны Айцец абяцае падтрымаць цябе ў тым, да чаго Ён цябе заклікаў.