Агей: Што далей?Узор

Што Бог ПатрабуеДалей?

На пэўным этапе твайго жыцця, ты, верагодна, спрабаваў дасягнуць мэты, якая здавалася непераадольнай – напрыклад, праграмы па фітнэсе або пахудзенню, работы, для якой ты не адчуваў дастатковай кваліфікацыі, ці нават глабальнай пандэміі, якую ты лiчыў непераступнай. Магчыма, робячы штодзённа крокi ў дасягненні пэўнай мэты, ты зразумеў, што гэта насамрэч магчыма і дасягальна, і тое, што раней здавалася цяжарам, становіцца вялікай радасцю. Імкненне да святасці можа здавацца невыканальным, але калі ты не адступiш і працягнеш рухацца наперад, то ўбачыш, што цяжар сапраўды з'яўляецца дабраславеннем. Ты зразумееш, што не ты насіў гэты цяжар увесь час.

Мы бачым праз прарока Агея, што Бог настойліва вяртае Свой народ у адносіны з Ім. Мы таксама бачым Яго выразны заклік да іх: жыць свята, як Ён сам. Дзівосна, але Божая святасць на самой справе небяспечная для чалавека. З-за Яго дасканаласці, усюдыіснасці і ўсеведання, наша несвятасць не можа застацца незаўважанай і непакаранай. Бог прыцягвае нас да Сябе, але калі мы хочам квітнець у Яго прысутнасці, мы павінны стаць святымі, як Ён. Гэта можа здавацца непасільным цяжарам для нас, але замест гэтага можа стаць радасным дабраславеннем, бо мы дасягаем святасці дзякуючы не сваёй, а Божай сіле.

Прарок Агей паказвае, што святасць немагчыма перадаць камусьцi, і насупраць – несвятасць можа лёгка заразiць іншых.. Народ Божы спадзяваўся стаць святымі проста знаходзячыся ў храме, але iх сэрцы былі далёка ад Бога, і яны да таго ж заразіліся несвятасцю культуры, якая іх акружала. Калі нешта нячыстае або несвятое сустракаецца з тым, што лёгка паддаецца сапсаванню (як мы), то робi яго таксама несвятым. Тады патрэбна нешта святое, каб перарваць гэты працэс: Бог! Бог не толькі валодае святасцю, якая нам патрэбна, але Ён таксама здольны зрабіць нашы сэрцы і розум гатовымі да Яго святасці, змяняючы іх. Такім чынам, Бог сам забяспечвае для нас i крыніцу, і падтрымку таго, што Ён патрабуе ад нас у плане святасці. Аднаўленне храма было бачным выразам змененых сэрцаў народа Божага. Бог сустрэў іх у іх першых няпэўных кроках паслухмянасці, абяцаючы багатае дабраславенне сваёй прысутнасці.

Ісус быў знішчаны ў смерці і ўзяў на сябе несвятасць свету, каб мы таксама маглі стаць святымі, як Ён. Давайце святкаваць тое, што ў дзень, калі Ісус уваскрос з мёртвых, наш жывы храм быў адноўлены. Дабраславенне Божай прысутнасці будзе цячы назаўжды да тых, хто прыходзіць да Яго. І давайце заахвочваць адзін аднаго да імкнення да святасці ва ўсiм, што мы кажам, бачым і шукаем.