Усё новаеУзор

Я некалі думала, што калі я любіла Бога і прымала добрыя, біблійныя рашэньні, дык я мелася жыць даволі добрае жыцьцё, безь вялікага болю, або катастрофаў, або хваробаў. З гадамі я паступова зразумела, што хаджэньне за Богам не гарантуе гэтага поўнага камплекту, гэтага стану бясьпекі. Тым ня менш, я неяк адчувала, што калі я выконвала маю частку, дык Бог меўся быць абавязаным выканаць Сваю: зладзіць мне жыцьцё, якога мы так прагнем у Амэрыцы, і абараніць мяне ад болю.

Далібог, я думаю, што паслухмянасьць сапраўды прыносіць дабраславеньне, і што Богу вельмі падабаецца рабіць нам матар’яльныя ды стасункавыя падарункі, часта ў адказ на нашае хаджэньне за Ім. Тым ня менш, мне бракавала разуменьня таго, як пакуты дапасоўваліся - або не дапасоўваліся - да сьветаўяўленьня хрысьціянскае веры. Біблія кажа, што пакуты сапраўды маюць месца ў нашым жыцьці, нават Габрэяў 2:10 тлумачыць, што Ісус дасягнуў дасканаласьці праз пакуты. Тужыўшы па тым, што мяне цешыла, і намагаючы абараніцца ад усяго таго, што я баялася магло “напаткаць мяне”, як сказаў Ёў, я прапусьціла простую рэч: пакуты зьяўляюцца часткаю дабраславеньня.

Думкі аб пакутах не павінны поўніць нашыя сэрцы жахам, бо Бог напэўна прысутнічае ў нашых пакутах. Але разам з гэтым, мы не павінны рабіць сябе ахвярамі ды распачынаць жыцьцё, поўнае болю ды пакутніцтва ў імя Ісуса. Карацей, мы не павінны баяцца пакутаў, але ня трэба наўмысна шукаць іх.

Павал пачынае свой ліст да карынцянаў з пацьверджаньня дзьвюх рысаў характару Бога, што садзейнічаюць нам у нашых няшчасьцях (будзь тое бяда або скруха). Заўваж, што Павал ня кажа, што Бог - міласэрны Бацька, але што Ён Бацька міласэрнасьці. Ён зьяўляецца крыніцаю ды пачаткам усяе спагады. Ён зьяўляецца першаю ды адзінаю крыніцаю міласэрнасьці - Бацькам, ад Якога цячэ ўсякая міласэрнасьць. Тое сапраўды зьмяняе бачаньне чалавека, які думае, што Бог толькі час ад часу добры.

Возьмем пад увагу першапачатковае значэньне слова “міласэрнасьць” (спагада): “нетры, дзе жыве спагада, сэрца спагады, эмоцыяў, моцных жаданьняў, выказваньня літасьці” або “ўнутраная частка”. Калі мы разважаем над значэньнем гэтага слова, у нас зьяўляюцца моцныя пачуцьці. Згодна з тым, што мовіць Сьвятое Пісьмо, я хачу, каб сёньня ты зразумеў, што Бог адчувае да цябе. Ён любіць цябе міласэрна й спагадліва.