Усё новаеУзор

У хрысьціянскім жыцьці сапраўды існуе шмат парадоксаў. Тое, што зьяўляецца вельмі важным для Ісуса, зьяўляецца супрацьлеглым таму, да чаго імкнецца чалавечая натура.

2 Карынцянаў - гэта ліст супрацьлегласьцяў. Гэта ліст пра рызыкоўную веру, у якой мы цалкам спадзяемся на Бога, нават калі спадзявацца на ўласную сілу й гонар амаль заўсёды падаецца больш бясьпечным ды знаёмым. Гэта ліст пра бясконцы супакой на дне акіяну нашых душаў, які прыходзіць, калі нашыя грахі больш ня робяць нас вінаватымі перад Богам, бо Ён паслаў Свайго Сына Ісуса ў гэты сьвет, Які ўзяў нашыя грахі на Сябе. Павал называе тое прымірэньнем.

Калі Павал апынуўся там ў 50-м годзе н.э., Карынт знаходзіўся ў працэсе буйнога разьвіцьця. Як камэрцыйны эпіцэнтар паўднёвае Грэцыі, Карынт квітнеў ды багацеў, напоўнены мешанінай з грэцкае ды рымскае культуры. Старажытны горад Карынт прапаноўваў усё, чаго магла жадаць вашая душа. Але як вядома, калі мы маем доступ да ўсяго, чаго прагнем, дык тое не заўсёды аказваецца тым, чаго мы думалі, што прагнулі.

Багацьце карынцкае культуры мела адмоўны бок, як і нашыя сучасныя гарады. Там зрасталіся прастытуцыя, нявольніцтва ды сэксуальная распушчанасьць усякага кшталту. Паўсюль былі ідалы.

Гэты ліст вельмі натхняе, бо калі ў Карынце дзейнічала царква, дык яна можа дзейнічаць і там, дзе жывем мы з табою. Прызнаюся, што я часам думаю, што наш сьвет гэтак глыбока пагрузнуў у абразе, расізму ды маральным заняпадзе, што яго немагчыма палепшыць. Аднак, калі Ісусава Добрая Навіна перамяняла карынцкіх прастытутак, багацеяў-прыгнятальнікаў, паганцаў ды фарысэяў, дык Ісусава Добрая Навіна здолее перамяніць людзей, якія жывуць у нашых гарадах сёньня. І хоць мяне часта спакушае думка, што Божых людзей можна знайсьці хіба толькі ў рэлігійных установах, Божыя людзі жылі і ў Карынце. Гэтак жа, як мы з табою жывем у нашых гарадах. 2 Карынцянаў нагадвае нам, што Божая царква выпраменьвае найбольш сьвятла ў цемры, а ня ў храмах, якія ўжо ёсьць поўнымі сьвятла.

Чытаючы 2 Карынцянаў, зьвярні ўвагу на супрацьлегласьці. Заўваж, што Павал безумоўна любіць карынцянаў. Разважаючы пра гэтакія вялікія адрозьненьні, ніколі не забывайся, што ты зараз можаш жыць цудоўнае, сьвятое жыцьцё, бо - праз Ісусаву сьмерць ды ўваскрасеньне - старое мінула, сталася ўсё новае. Наколькі мне вядома, старое ды новае зьяўляюцца супрацьлеглымі паняцьцямі.