Атрымаць прыкладаннеБожая зброяУзор
Галоўная мэта распаленых стрэлаў - не забіць або зьнішчыць, а адцягнуць увагу.
Сястра, твой вораг хоча адцягнуць тваю ўвагу. Каб атакаваць цябе зьнянацку. І слухай, ён не выпускае гэныя свае стрэлы бязладна. Ён ведае, што ён робіць. Ён паназіраў за тваімі схільнасьцямі ды звычкамі, тваім найглыбейшым страхам ды слабасьцю, і ён страляе менавіта туды. Ён ведае, што ня здолее зьнішчыць цябе, бо ты - пад вечнаю аховаю Ісуса. Але ён намагаецца адцягнуць тваю ўвагу, падпальваючы тваё жыцьцё - празь няпэўнасьць, запалохваньне, трывогу, згрызоты, занятасьць. Ён хоча, каб ты была няўважліваю, каб падкрасьціся ззаду.
У Эфэсцаў 6 Павал кажа, што пояс, панцыр ды чаравікі зьяўляюцца ўніформай, якую вернікі павінны насіць заўсёды. Штохвілінна. Штодня. Але ён кажа, што шчыт веры трэба "браць".
Ну вось глядзі: мэдсястра штодня на працы носіць халат, бо гэта ейная ўніформа. Але калі трэба, дык яна возьме стэтаскоп, сфігмаманомэтар ці нейкую іншую прыладу. Гэтак сама мы мусім штодня насіць уніформу, дадзеную нам Богам, але адначасова быць гатовымі "браць" іншыя прылады, калі трэба.
Першы з гэтых прадметаў зброі - гэта шчыт веры. Як толькі мы адчуваем, што распаленая страла ляціць у нашае жыцьцё, мы актывізуем веру ў якасьці шчыта, каб абараніцца.
Тут іронія. Вораг пасылае ў тваё жыцьцё распаленыя стрэлы менавіта тады, калі табе трэба хадзіць у веры. Мэта гэных стрэлаў - не дазволіць табе рабіць адзіную рэч, што можа іх патушыць: хадзіць у веры!
Вера гасіць распаленыя стрэлы. Што Бог просіць цябе рабіць? Рабі тое! Зь вераю.
Сьвятое Пісьмо
Аб гэтым плане
Штодня навокал цябе безупынна ідзе незаўважная вайна - нябачная, нячутная, але яна адчуваецца ў кожнай сфэры твайго жыцьця. Энтузіястычны, д'ябальскі вораг намагаецца спустошыць усё, што мае для цябе значэньне: тваё сэрца, твой розум, твой шлюб, тваіх дзяцей, твае стасункі, тваю жыцьцярадаснасьць, твае мары, твой лёс. Ягоны пляны бітвы грунтуецца на тым, каб засьпець цябе зьнянацку і бяззбройным. Калі ты стаміўся ад зьдзекаў ворага, дык гэты плян чытаньня для цябе. Вораг заўсёды церпіць няўдачу, калі яму трапляецца жанчына, апранутая належным чынам. "Божая зброя" - гэта больш за проста біблійнае апісаньне інвэнтару, які мусіць мець кожны вернік; гэта плян дзеяньня дзеля таго, каб апрануць яго і распрацаваць пэрсаналізаваную стратэгію для пэўнае перамогі.
More
