Божая зброяУзор

У сваёй малітве Павал не прасіў, каб эфэскія вернікі атрымалі сваю бязьмерную спадчыну духоўных багацьцяў, дабраславеньняў, сілы і ўлады, але каб яны зразумелі, што яна ім належала. Яны, як пасьлядоўнікі Мэсіі, ужо валодалі гэтымі рэчамі, і мы таксама імі валодаем. Але пакуль яны таго не ўсьвядомілі, якую карысьць тое магло прынесьці?

Насамрэч, духоўная зброя, апісаная ў Эфэсцаў 6 - гэта папросту паўторны пералік таго, што Павал тлумачыў у першай частцы ліста. Як яны маглі "ўзяць" або "апрануць" рэчы, аб існаваньні якіх ня ведалі? Пры выкарыстаньні духоўных рэсурсаў, першы крок для іх (і для нас) - гэта расплюшчыць духоўныя вочы, каб убачыць тыя рэсурсы.

Апавяданьне пра Елісея ды ягонага слугу ў 4 Царстваў 6 - адно з маіх найулюбёнейшых у Бібліі. Тое здарэньне адбылося, калі вось-вось мелася пачацца бітва паміж раззлаваным валадаром Сырыі ды ізраільскім народам.

Елісееў слуга старанна прыглядаўся. Спачатку ён мог бачыць адно толькі ворага, і тое прымусіла яго адчуваць страх ды трывогу.

Але потым ён раптам пабачыў духоўную рэальнасьць, якая зьмяніла ўсё: яму было даступна і на ягоным баку было больш за тое, што ён мог сабе ўявіць. Тое, што ён убачыў на свае фізычныя вочы, не магло параўнацца з тым, што ён ня бачыў. Елісеева малітва дапамагла яму ўбачыць усе рэсурсы і сілу на ягоным баку, што змагаліся зь ягоным ворагам.

Дзеля таго, каб быць упэўненым пераможцам, ты мусіш "бачыць".

У Эфэсцаў 1 Павал падкрэсьлівае ўсяго толькі некалькі дароў, што дае нам Бог. Існуе шмат іншых, і кожны адпавядае пэўнай духоўнай зброі. Першы крок да разуменьня таго, як яны дапамагаюць табе выкрыць ворага, - гэта бачаньне. Іх немагчыма выкарыстаць, калі ты цалкам не ўсьведамляеш іх, калі ня ведаеш, што яны ў цябе ёсьць і што яны граюць важную ролю ў пасьпяховым вядзеньні вайны супраць ворага.

Перамога пачынаецца тут. Яна пачынаецца сёньня. Яна пачынаецца з малітвы аб бачаньні.

Дык далучыся да Паўла, просячы Госпада дапамагчы табе бачыць, каб ты змагла ня толькі выкрыць дзеяньні ворага, але й таксама быць сьведамай таго, што Бог даў табе зброю паразіць яго ў тваім жыцьці.