Збаўленыя марыУзор

У малітве аб душэўным спакоі, звычайнай для служэньня "12 крокаў", ёсьць просьба да Бога дапамагчы нам прымаць "цяжкасьці, як шлях да міру, гэтак сама як Ісус, прымаць гэты грэшны сьвет такім, які ён ёсьць, а не такім, якім я хачу, каб ён быў ".

Я заўсёды зьвяртаю ўвагу на гэты радок, таму што я выдаткавала вельмі шмат сіл, спрабуючы мяняць і кантраляваць абставіны і людзей вакол, каб стварыць патрэбнае мне жыцьцё... імкнучыся ўвасобіць свае мары ў рэальнасьць. Зразумела, што гэта не спрацавала.

У выніку разводу я страціла дом, мая крэдытная гісторыя была зьнішчана, і адна за адной разбураліся ўсе мае сыстэмы бясьпекі, ды і само жыцьцё, якое я старалася пабудаваць.  Жыцьцё склалася ня так, як я жадала

І вось аднойчы ў глыбокім смутку я закрычала да Бога: "Усё здарылася ня так, як я спадзявалася". Бог слухаў, а потым сказаў майму сэрцу:

Я збавіў цябе.

Абсурднасьць гэтай заявы была амаль смяхотнай. У тым, што мне давялося перажыць, не было нічога, што хоць бы трохі нагадвала выратаваньне.

Хармані, Я выратаваў цябе ад тваёй вэрсіі мары... Я выратую і саму мару.

Божае абяцаньне збавіць маю мару і вярнуць мне сям'ю дало мне надзею, што гэты цяжкі пэрыяд ня будзе доўжыцца вечна. 

Я ведаю, што Бог – Збаўца. Па-першае, Ён збавіў маю гісторыю болю і гвалту і ўжо выкарыстоўвае яе для таго, каб дасягаць іншых праз служэньне "Treasures". А сёньня, некалькі гадоў пасьля разводу, я магу сказаць вам, што Ён збавіў і маю мару пра сям'ю. У сакавіку 2014 года я выйшла замуж за неверагоднага чалавека, які з'яўляецца выдатным, любячым другім татам для маёй цудоўнай дачкі! У студзені 2018 года ў нас нарадзіўся мілы хлопчык, які прынёс мора радасьці ў наш дом.

Я люблю гісторыю Язэпа, таму што яна зьяўляецца прыкладам летуценьніка, які давяраў Богу, нават калі здавалася, што ўсе яго мары зьнішчаны. Ён быў адданы роднымі, кінуты, прададзены ў рабства, заключаны ў турму і забыты. Але ва ўсім гэтым Бог быў зь Язэпам. У рэшце рэшт, яго давер Богу дазволіў яму падняцца над абставінамі і выратаваць сваю сям'ю і ўвесь Эгіпет ад голаду. Бог выкарыстаў кожны маленькі кавалачак жыцьця Язэпа на карысьць! Бог адкупіў мару. 

Не ведаю, ці была ў Язэпа спакуса адмовіцца ад мары. Але як бы там ні было, ён заставаўся верным у любых абставінах, дазваляючы Богу выкарыстоўваць яго, і працягваў марыць. Цэлы народ быў выратаваны дзякуючы яго вернасьці.

Ня ведаю, праз што праходзіце вы. Ня ведаю, якія выпрабаваньні або атакі праходзіць Божая мара для вашага жыцьця. Але я ведаю, што Бог – Збаўца. Ён верны. Працягвайце марыць, працягвайце давяраць, працягвайце быць настойлівымі і… 

Бог збавіць вашу мару. 

Подпіс ад Хармані:

Я спадзяюся, што вам спадабаўся гэты плян! Мне б хацелася працягваць падбадзёрваць вас, каб вы жылі свабодна, марылі пра вялікае і рабілі дабро! Я запрашаю вас паглядзець мой блог www.HarmonyGrillo.com. Каб даведацца больш пра служэньне "Treasures", вы можа наведацьwww.iamatreasure.com.