Збаўленыя марыУзор

Вера ня робіць нас неўспрымальнымі да жыцьцёвых цяжкасьцяў. У жыцьці бывае ўсякае: страта працы, разьбітае сэрца, заўчасная сьмерць каханых. 

А бывае, калі мы проста чакаем (і чакаем, і чакаем), калі ж ажыцьцявяцца нашы мары. Мары пра дзіця, аб сям'і, аб аднаўленьні адносін. Пра тое, каб любы чалавек змог пераадолець хваробу або залежнасьць. Пра перапынак у кар'еры. Нашы сэрцы баляць і сумуюць ад тым, чаго ў нас яшчэ няма. Часам нам балюча так доўга, што наша надзея вычэрпваецца, і мы проста перастаём марыць, каб больш не адчуваць болю. 

Бог клапоціцца пра нашыя мары. На самой справе, Ён зьмяшчае "Свае мары" у нашыя сэрцы. Але калі я прагну выкананьня мары больш, чым Бога, які дае мары, то ператвараю гэтую мару ў ідала. 

З двухгадовага ўзросту я марыла стаць вядомай акторкай. Я праводзіла кучу часу перад люстэркам, ствараючы розныя вобразы. Жорсткае абыходжаньне і эксплуатацыя пусьцілі пад адхон усе мае мары, уключаючы і гэтую. Калі пачаўся мой шлях з Ісусам, я вырашыла зноў заняцца акторскай прафэсіяй. 

Я ўжо брала заказы і атрымлівала асалоду ад кар'ернага росту, але неўзабаве зразумела, што ў Бога зусім іншая мара на маё жыцьцё, чым тое, чаго я дамагалася. 

Калі быць шчырай, маё жаданьне стаць акторкай збольшага было зьвязана з маім жаданьнем адчуць сябе значнай. Бог жа хацеў, каб я знайшла сваю значнасьць у Ім, а не ў прызнаньні і ўвазе, якую я магла атрымаць як акторка. Я таксама пачала разумець, што Ён хацеў выкарыстаць боль з майго мінулага, каб прыносіць надзею і свабоду іншым людзям. 

Я вырашыла ісьці за Божай марай і ў 2003 годзе заснавала "Treasures", групу па падтрымцы ахвяр сэксуальнай эксплуатацыі і гандлю людзьмі. Кожны дзень я бачу, як тое маё рашэньне ісьці за Божай марай ўплывае на жыцьці людзей! Калі б я працягвала трымацца за сваю мару стаць акторкай, ці яшчэ горш, дазволіла б ёй стаць ідалам ў маім жыцьці, то згубіла б мару, якую Бог падрыхтаваў для мяне! 

Бог клапоціцца пра нас, і Ён клапоціцца пра нашыя мары. Яго гэта хвалюе настолькі, што Ён хоча адцягнуць нас ад нашых уласных жаданьняў, каб прывесьці да таго, што ў Яго ёсьць для нас. 

У Бога ёсьць мара для вашага жыцьця. Магчыма, гэта тое, да чаго вы ўжо ідзяце, ці гэта нешта зусім нечаканае. Я веру, што калі вы будзеце трымаць перад Ім свае пляны і мары ў адкрытых руках і даверыце Яму ўвесь працэс, Ён прывядзе вас да паўнаты, якую падрыхтаваў для вас.