Загарадзі: як унікаць шкадаваньні ў жыцьціУзор

Дома ці на працы, у сяброўстве або ў сям’і, кожны з нас навучыўся правяраць ды мадыфікаваць свае паводзіны. Не сутулься. Скажы “калі ласка”. Апрані гэта. Зрабі тое.

Тым ня менш, калі-нікалі мы кажам або робім рэчы, якія папросту ня маюць сэнсу. Нібыта нешта расплюхваецца - выбух гневу або непрыемная заўвага. Мы нават кажам потым: “Ня ведаю, што на мяне найшло!”

Але ж мы ведаем, калі мы дастаткова шчырыя ды адважныя, каб убачыць тое. Праблема ўнутры нас. Як Ісус, так і Салямон кажуць нам, што праблема знаходзіцца ў нашым сэрцы.

Нам патрэбныя загарадзі на нашыя сэрцы. Бо ў рэшце рэшт нашыя паводзіны (звонку) адлюстроўваюць тое, што адбываецца ўнутры.

Існуюць чатыры эмоцыі, якія павінны абудзіць нашае сумленьне. Яны павінны прымусіць нас спыніцца ды паглядзець унутр, каб убачыць, што адбываецца ў нашым сэрцы. Гэта пачуцьцё віны, гнеў, сквапнасьць ды завідкі.

Пачуцьцё віны кажа: “Я табе вінаваты.” Я вінаваты табе нешта, бо я нешта ўзяў ад цябе. У адказ на пачуцьцё віны, прызнайся. Прызнай сваю віну таму чалавеку; не хавай яе.

Гнеў кажа: “Ты мне вінаваты.” Ты пакрыўдзіў мяне або нешта ўзяў ад мяне. У адказ на гнеў, прабач. Прабач таму чалавеку, які табе вінаваты. Вызвалі яго ад адказнасьці.

Сквапнасьць кажа: “Я вінаваты сабе”. Сквапнасьць - гэта меркаваньне, што ўсё гэта для майго спажываньня. У адказ на сквапнасьць, давай. Зрабіся шчодрым даўцам. Проста так. Без падліку.

Завідкі кажуць: “Жыцьцё мне вінавата.” Нехта мае тое/таго, каго заслугоўваю я. У адказ на завідкі, радуйся зь іншымі. Напішы ім запіску. Зрабі ім камплімэнт за тую самую рэч, што выклікае ў цябе зайздрасьць.

Калі мы натыкаемся на гэтыя эмацыйныя загарадзі, мы мусіць быць уважлівымі. Яны папярэджваюць нас аб небясьпецы. Калі ты праігнаруеш перасьцярогу, дык на другім баку цябе чакае шкадаваньне.

Калі табе спадабаўся гэты плян чытаньня, паглядзі пяць відэа-казаняў пра загарадзі ад Эндзі Стэнлі - а таксама шмат іншых бясплатных відэа для вывучэньня Бібліі - на http://anthology.study.