Загарадзі: як унікаць шкадаваньні ў жыцьціУзор

Ніхто не плянуе руйнаваць сваё жыцьцё, гэтак сама як ніхто не плянуе руйнаваць сваю машыну. На дарозе ёсьць загарадзі, якія дапамагаюць нам не заяжджаць у небясьпечныя або забароненыя месцы. Што б адбылося, калі б мы мелі загарадзі, якія б рабілі тое ж самае ў нашым жыцьці?

Мы змаглі б пазьбегнуць, або прынамсі паменшыць, некаторыя з нашых найвялікшых шкадаваньняў, калі б у нас былі асабістыя загарадзі для нашых грошай, узаемаадносінаў, маралі ды эмоцыяў.

Асабістыя загарадзі - гэта стандарты паводзінаў, якія становяцца пытаньнямі сумленьня. Гэта правілы, якія ты ствараеш для сябе, якія загараюцца ў тваёй сьвядомасьці, калі ты на іх натыкаесься. І гэтак сама, як загарадзі на шашы, яны ўсталяваныя там, дзе ўсё яшчэ бясьпечна. Задоўга да таго, як ты зруйнуеш тваю кар’еру, асабістая загарадзь павінна сказаць табе, што цябе чакае небясьпека. Задоўга да таго, як ты скажаш словы, якіх ня зможаш узяць назад, асабістая загарадзь павінна перасьцерагчы цябе, каб ты выбраў словы ўважліва.

Апостал Павал дае нам карысную параду, у той час як мы пачынаем усталёўваць уласныя загарадзі: “Дык глядзеце, дзейце асьцярожна, ня як бязглуздыя, а як мудрыя…”

Апостал Павал ведаў (і, можа, ты сам меў гэтакі досьвед), што магчыма апынуцца ў цяжкіх абставінах без парушэньня закону. Ты можаш зруйнаваць твае фінансы, ня трацячы неэтычна. Ты можаш зруйнаваць узаемаадносіны, ня робячы нічога грэшнага.

Загарадзі існуюць ня проста дзеля таго, каб трымаць цябе на бясьпечным баку ў канфлікце дабро супраць зла. Яна існуюць дзеля таго, каб трымаць цябе на баку мудрасьці.

З гэтае прычыны, вось пытаньне, якое будзе датычыць нашых грошай, узаемаадносінаў, маралі ды эмоцыяў на працягу наступных некалькіх дзён: у сьвятле майго мінулага досьведу, маіх цяперашніх абставінаў і маіх будучых спадзяваньняў ды мараў, як будзе мудра дзеяць?

У тваім шлюбе… у тваёй кар’еры… калі гаворка ідзе пра тое, дзе ты мусіш жыць або як ты мусіш праводзіць твой час... як будзе мудра дзеяць?

Як бы тое пытаньне паўплывала на выбар або сытуацыю ў тваім мінулым, аб якой ты шкадуеш больш за ўсё? Як яно можа дапамагчы табе сёньня? Калі ты жывеш занадта блізка да краю, дык, магчыма, пара ўсталяваць загарадзь.