Загарадзі: як унікаць шкадаваньні ў жыцьціУзор

Нашыя найвялікшыя шкадаваньні звычайна зьвязаныя зь людзьмі, якіх мы лічым сябрамі. Магчыма, твае шкадаваньні зьвязаныя з калегам, аднаклясьнікам або былым кавалерам. А магчыма, з групай сяброў, зь якімі - як табе зараз падаецца - лепш было б наогул не знаёміцца. Нават калі б ты быў адзін, хутчэй за ўсё, твае найгоршыя шкадаваньні неяк зьявіліся б праз узаемаадносіны.

Гэтыя сяброўствы, што сталі прычынаю непрыемнасьці, вучаць нас (часта праз горкі досьвед), што людзі, зь якімі мы праводзім час, уплываюць на нашую будучыню. З гэтае прычыны, нам трэба ўсталяваць стасункавыя загарадзі.

Салямон, адзін з наймудрэйшых людзей усіх часоў, напісаў: “Хто сябруе з мудрым, будзе мудры…” Інакш кажучы, мудрасьць заразная. Сябруй з мудрымі, ды з часам ты сам станеш мудрым. Тое адбываецца аўтаматычна.

Вось другая частка вершу: “…а хто сябруе з дурнем, загалосіць.” Калі ты сябруеш зь неразумнымі, дык цябе ўцягвае ў наступствы іхных дрэнных рашэньняў. У цябе трапляюць асколкі. Твая рэпутацыя псуецца гэтак жа, як і ягоная. Цябе звальняюць гэтак жа, як і яе. І наступнага разу цябе нават і не запрашаюць, гэтак жа, як і іх.

Асабістыя загарадзі дапамагаюць нам пазьбегнуць “дурнаактыўных ападкаў”.

Вось тры загарадзі, аб якіх варта задумацца, калі гаворка ідзе пра твае сяброўствы. Калі адна з гэтых рэчаў здарыцца, хай тое закране тваё сумленьне да таго, як ты пачнеш шкадаваць.

1. Ты заўважаеш, што ты прыкідваесься чалавекам, якім ты насамрэч не зьяўляесься.

2. Ты хочаш зрабіць нешта такое, што ніколі раней не было для цябе спакусаю.

3. Ты спадзяесься, што людзі, якіх ты любіш, ня ведаюць твайго месцазнаходжаньня.

Памятай, загарадзі не ўсталёўваюцца на тое, каб абвесьціць нешта (або некага) правільным або няправільным. Яны ўсталёўваюцца на тое, каб накіраваць цябе назад да мудрасьці. Дык што? Ці ёсьць у цябе сяброўствы, якія накіроўваюць цябе ў небясьпечную зону? На якія загарадзі ты натыкаесься цяпер, і што ты зьбіраесься з гэтым рабіць?