Не турбуйся ні пра штоУзор

Можа, нейкая з тых гісторыяў прыцягнула тваю ўвагу. А можа, твая гісторыя з трывогай зусім іншая. Але незалежна ад таго, які ў цябе цяпер бой з трывогай, той самы Дух, Які ўваскрэсіў Хрыста зь мёртвых, жыве ў табе. І Ён ня даў табе духа палахлівасьці.

Калі ты змагаесься з трывогай, дык тое не азначае, што табе не стае веры. Тое не азначае, што ты не давяраеш Богу як трэба. Насамрэч, трывога можа стаць той самай рэччу, што дапаможа табе навучыцца давяраць і спадзявацца на Бога. Можа, трывога - гэта каталізатар, што дапамагае табе зблізіцца з Богам?

Трывога становіцца добраю рэччу, калі яна дапамагае нам здавацца на Бога. Тое не азначае, што мы перастаем шукаць дапамогі або надзеі. Але тое азначае, што мы ведаем, што пошукі супакою - гэта працэс.

Дык ці магчыма жыць, не турбуючыся ні пра што? Так. Тое не азначае, што ў нас ніколі ня будзе аб чым турбавацца. Але праз Ісуса мы можам жыць, не турбуючыся ні пра што нават калі ў нас ёсьць нешта турботнае - ня ўласнаю сілаю, а празь Ягоную прысутнасьць. Прачытай гэтыя вершы зноў:

"Не турбуйцеся ні пра што, а заўсёды ў малітве і прашэньні з падзякаваньнем адкрывайце свае жаданьні Богу, - і супакой Божы, які вышэйшы за ўсякі розум, ахавае сэрцы вашыя і помыслы ў Хрысьце Ісусе." Піліпянаў 4:6-7

Паразважай над гэтай ісьцінай. Мы часта засяроджваем увагу на слове "супакой", але ж там напісана "супакой Божы". Сапраўдны супакой можна знайсьці толькі ў Богу. Дык што, калі адказ на трывогу - гэта ня меней стрэсу, а болей Бога?

Паразважай: Як я магу запрашаць Божую прысутнасьць і супакой у маё жыцьцё больш рэгулярна?

Памаліся: Госпадзе, дзякую Табе за Тваю заўсёдную прысутнасьць. Я прыйшоў да Цябе сёньня па супакой, які толькі Ты можаш даць. Я хачу ведаць Цябе лепш. Запрашаю Цябе ў кожную сфэру майго жыцьця. Дапамажы мне давяраць Табе больш. Аддаю Табе ўсе мае згрызоты і страхі. Дапамажы мне жыць, не турбуючыся ні пра што, але спадзеючыся на Цябе. Давяраю Табе. Я цалкам аддаю Табе ўсяго сябе. У імя Ісуса, амін.

Калі ты, або нехта зь людзей, якіх любіш, змагаецца з трывогай, дык дапамога і надзея даступныя. Тут ты можаш даведацца больш пра тое, як выглядае трывога, і што зь ёй можна зрабіць, а таксама як дапамагчы іншым.