ЗвычкіУзор

Давярай Божаму працэсу

Мы ўжо шмат чаго сказалі пра звычкі, але, насамрэч, што такое звычка? Абапіраючыся на тое, што мы даведаліся за апошнія некалькі дзён, звычка фармуецца, калі ты нязьменна задавальняеш важную патрэбу праз абраныя табой паводзіны. Звычайна, да звычак ставяцца адмоўна, але насамрэч яны зьяўляюцца працэсам, які стварыў Бог. Назавем іх Божым працэсам. Давярай Божаму працэсу!

Сам рытм боскае гісторыі стварэньня ў Быцьці поўны добрых штодзённых звычак. Тут мы ўпершыню бачым, як Бог карыстаецца працэсамі, каб стварыць нешта новае, здаровае і добрае. Гучыць знаёма? У Бога былі звычкі! З дапамогай гэтае гісторыі Бог прадэманстраваў звычкі дасканаласьці і настырлівасьці, звычкі прасіць дапамогі (Адам даў імёны жывёлам; Бог сказаў, што нядобра чалавеку быць аднаму і стварыў Еву), браць перапынак, каб сьвяткаваць дасягненьні (Бог штодня заўважаў, што зробленае Ім было добрым) і адпачываць штотыднёва. Чытаючы Біблію, працягвай шукаць у ёй добрыя звычкі, або Божы працэс, і ты зразумееш, што яны зьяўляюцца падарункам ад Бога.

Мы павінны давяраць Богу і верыць, што Ён заўсёды над нечым працуе. І Ён стварае нешта новае і цудоўнае ў тваім жыцьці, у той час як ты адкрываеш для сябе здаровую таясамасьць, просіш дапамогі, ставісься да сябе са спагадаю, дасьледуеш і давяраеш Ягонаму працэсу. Варта заўважыць, што мы не выкарыстоўваем працэсы накшталт разьвіцьця добрых штодзённых звычак дзеля таго, каб кінуць спадзявацца на Божую дапамогу, - яны існуюць празь Ягоную дапамогу. Калі мы давяраем Богу ў гэтых штодзённых учынках, то яны становяцца Божымі працэсамі. Зь іншага боку, бяз Божае дапамогі нашыя найлепшыя стараньні могуць ператварыцца ў праект самазбаўленьня. Гэта як раз тыя "я-магу-зрабіць-тое-бяз-Бога" паводзіны, што і прывялі нас да гэтага хаосу!

Памаліся: Госпадзе, дзякую табе за рутыны і звычкі, што Ты дапамагаеш мне фармаваць у маім жыцьці. Я не магу зрабіць нічога без Тваёй сілы, супакою і ласкі. Дапамажы мне працягваць спадзявацца на Цябе штодня. Амін.