ЗвычкіУзор

Дасьледуй і ўнось зьмены

Ці ты ўжо пачаў адкрываць для сябе здаровую таясамасьць? Ці ты ўзяў з Божага Слова мэты, заснаваныя на таясамасьці, ды праўду, што аздараўляе таясамасьць? Ці ты знайшоў людзей, у якіх можаш папрасіць дапамогі? Можа, ты зразумеў, што гэта цяжкая справа і нарабіў памылак, але памятай: будзь спагадлівым сам да сябе. А зараз пагаворым пра тое, як дасьледаваць і ўносіць зьмены.

Навошта нам дасьледаваць і ўносіць зьмены? Чарльз Дахіг, аўтар кнігі "The Power of Habit", вынайшаў паняцьце "звычкавая пятля". Звычкавая пятля складаецца з сыгналу, рутыны і ўзнагароды. Калі ты, напрыклад, маеш звычку есьці зашмат перад сном, дык пятля можа выглядаць наступным чынам. Сыгнал - ты сядаеш глядзець тэлебачаньне з сужэнцам або сябрамі і бачыш рэкляму зь ежай. Рутына: ты ідзеш глядзець, што ёсьць у лядоўні, і бачыш там нешта смачнае. Узнагарода: у той час, як ты ясі смачную ежу і цешышся кампаніяй, тваё цела выпрацоўвае пазытыўныя хімічныя рэчывы. У выніку ў цябе зьяўляецца дрэнная звычка.

Кідаючы старую звычку або фармуючы новую, мы, напэўна, сутыкнёмся з сур'ёзнымі цяжкасьцямі. Часам тая цяжкасьць будзе вынікам звычкавае пятлі. Калі ты намагаесься пазбавіцца звычкі есьці зашмат перад сном, дык ты мусіш дакладна вызначыць, які ў цябе сыгнал. Магчыма, тваю пятлю пускае ў ход не рэкляма зь ежай, а проста той факт, што ты глядзіш кіно, праводзіш час зь сябрамі або нешта іншае. Ты таксама мусіш паразважаць над тваёй рутынай. Навошта ты правяраеш лядоўню? Проста з нудоты? Ці гэта таму, што ты проста прызвычаіўся рабіць тое? Ці табе сапраўды хочацца есьці? Узнагарода тут вельмі важная. Што прыносіць табе радасьць: сама ежа або тое, што ты ясі яе зь сябрамі? Магчыма, ты нэрвуесься, калі пэўныя людзі прыходзяць у госьці, а магчыма, што ты ясі і глядзіш кіно дзеля таго, каб не размаўляць з сужэнцам?

Калі мы адчуваем, нібыта ня можам выйсьці са звычкавае пятлі, то нам варта спыніцца, дасьледаваць і ўнесьці зьмены. І стварыць звычкавую пятлю з добрых звычак, фармуючы станоўчыя сыгналы, здаровыя рутыны і правільныя ўзнагароды.

Вось што бальшыня кніг ня скажа табе наконт стварэньня або зьнішчэньня звычак: заўсёды ёсьць спосаб. Адкуль я тое ведаю? Апостал Павал кажа нам у 1 Карынцянаў 10:13, што Бог верны - Ён не пакіне нас быць спакушанымі больш, чым мы можам. Але калі спакуса прыходзіць, Ён дасьць палёгку, каб мы маглі ператрываць. Дык дасьледума, ўносьма зьмены, спадзяваймася на Бога, прасем дапамогі ў людзей і рабем наступны крок паводле Ягоных указаньняў.

Паразважай: Якія мае сыгналы? Як я магу замяніць нэгатыўныя сыгналы пазытыўнымі? Куды мяне вядуць мае рутыны? Якія ўзнагароды дае мне мая звычка? Ці гэтыя ўзнагароды зьяўляюцца тым, што Бог прыгатаваў для мяне?