ЗвычкіУзор

Прасі дапамогі

Учора мы размаўлялі пра тое, як знайсьці здаровую таясамасьць праз Божую праўду. Сёньня будзем размаўляць пра нешта надзвычай важнае - пра тое, як прасіць дапамогі.

У кнізе Габрэяў - лісьце, напісаным да габрэяў, якія ішлі за Ісусам, - робіцца намінка, што няўдзел у сходах зь іншымі вернікамі ня проста сьведчыць пра недахоп добрае звычкі, але насамрэч і пра наяўнасьць дрэннае звычкі.

У Габрэяў 10:24-25, грэцкае слова "éthos", што азначае "звычка", азначае нешта такое, што стала звычаем і нават можа быць прапісаным законам. Звычкі - нібыта прапісаныя лекі. Добрыя звычкі накшталт быць часткай грамады вернікаў - гэты добрыя лекі. Дрэнныя звычкі накшталт самаізаляваньня падчас цяжкіх абставінаў - гэта дрэнныя лекі, які толькі дададуць болю ды адчаю.

Каб займець здаровую таясамасьць, аб якой мы размаўлялі ўчора, ты мусіш прасіць дапамогі. Бальшыня схаваных ды істотных праблемаў з таясамасьцю, якія мы маем, могуць стаць бачнымі толькі тады, калі мы гутарым зь людзьмі, якім давяраем, з дараднікамі, пастарамі, сужэнцамі ды Богам, Якому давяраем.

Ці ты маеш звычку прапушчаць сходы зь іншымі вернікамі? Нічога страшнага. Вось прапісаныя лекі: прасі дапамогі. Але не прасі дапамогі толькі адзін раз. Зрабі рэгулярныя сустрэчы зь людзьмі, якія ідуць за Хрыстом, тваім звычаем.

Спытай сам сябе: З кім я магу паразмаўляць пра звычкі, якія намагаюся кінуць або займець? Што я ім раскажу? Калі я зь імі паразмаўляю?