Надай значэньне сваёй працыУзор

Бог выкарыстоўвае нашую працу дзеля Сваіх мэтаў

Пасьля шматлікіх гадоў выпрабаваньняў, Язэпаў сон нарэшце споўніўся. Фараон даручыў Язэпу кіраваньне ўсім Эгіптам, а ў дадатак да таго, калі Язэпавы браты прыйшлі ў туды па ежу, калі быў голад, яны пакланіліся свайму брату, сьпярша нават і ня ведаючы, што гэта ён. Бог ад самага пачатку меўся выкарыстаць сем гадоў багацьця й сем гадоў голаду дзеля таго, каб прывесьці Сваіх людзей у Эгіпет, дзе яны маглі б знайсьці прытулак. Бог выкарыстаў тыя абставіны дзеля таго, каб падрыхтаваць Язэпа для выкананьня Свайго пляну.

Калі памёр бацька, дык Язэпавы браты пачалі баяцца, што ён нарэшце адпомсьціць ім. Але Язэп застаўся засяроджаным на Божых мэтах і адказаў: “Вось, вы намышлялі супроць мяне благое; але Бог абярнуў гэта на дабро, каб… захаваць жыцьцё вялікае колькасьці людзей” (Быцьцё 50:20). Язэпу давялося ўбачыць толькі невялічкую частку таго, як ён удзельнічаў у большым пляне Бога, які мы можам бачыць сёньня. Аднаго разу ў будучыні, Язэп убачыць, колькі людзей ён дапамог збавіць.

У Якава 1:2-3 напісана: “Вялікаю радасьцю лічэце, браты мае, калі трапляеце ў розныя спакусы, ведаючы, што выпрабаваньне вашае веры робіць цярплівасьць”. Калі мы застаемся вернымі ў цяжкіх абставінах, дык мы даем магчымасьць Богу рабіць праз нас цудоўныя рэчы. Важна верыць, што Бог можа й будзе выкарыстоўваць нашую працу дзеля таго, каб дапамагчы нам расьці, зрабіць нас мацнейшымі ды, нарэшце, дапамагчы нам дасягнуць рэзультатаў, якія мы ніколі не змаглі б дасягнуць самастойна.

Калі нашая ўвага застаецца засяроджанаю на Мэсіі, дык мы можам быць упэўненымі, што Бог выкарыстае нашую працу так, як мы нават і не ўяўляем сабе. Магчыма, мы, як Язэп, нават пабачым мімаходзь тое, як Бог выкарыстае яе дзеля большае мэты. Аднаго дня ў будучыні, усе мы ўбачым, якую ролю нашая вернасьць адыграла ў Божым пляне.

Дазволь Богу ўдасканаліць цябе празь цяжкія абставіны ды выкарыстаць тое, што ты робіш, дзеля Ягонае мэты й славы.

Малітва

Тату, я ведаю, што Ты заўсёды дзееш у і праз маё жыцьцё. Дапамажы мне заўсёды бачыць працу, якую я раблю штодня, у пэрспэктыве вечнасьці. Дай мне больш веры. Дай мне мудрасьці ў працы, каб Ты змог выкарыстаць усё, што я раблю, дзеля Тваіх мэтаў. У імя Ісуса. Амін.

Для далейшага вывучэньня

Вось больш пасьвячэньняў ад Workmatters на тэму працы.