Надай значэньне сваёй працыУзор

Мы самі надаем значэньне нашай працы

У Быцьці 37:5-7 ды 9 Язэп убачыў сон пра вялікае пакліканьне, што Бог меў на ягонае жыцьцё. Ён прысьніў, што будзе мець уплывовую пасаду і што нават ягоная ўласная сям’я будзе яму падпарадкоўвацца. Старэйшыя браты пачалі зайздросьціць свайму малодшаму брату й хацелі пазбавіцца ад яго. Аднойчы, калі яны былі далёка ад дому й Язэп прыйшоў адведаць іх, яны скарысталіся з нагоды й прадалі яго ў нявольніцтва. Вось дык аб’езд!

Язэп быў нявольнікам на чужыне, дзе людзі ня ведалі Бога, але яны не маглі адабраць у яго свабоды абіраць сваё стаўленьне да працы. Язэп не дазволіў пасадзе нявольніка вызначыць, кім ён быў. Маючы Патыфара за свайго начальніка, Язэп усё адно абраў служыць Богу й сумленна выконваць сваю працу. У выніку, Бог даў Язэпу посьпех ува ўсім, што ён рабіў, і Патыфар паставіў Язэпа над сваім домам, і аддаў на рукі яму ўсё, што меў.

Кожны з нас марыць мець ідэальную працу. Магчыма, праца, якую ты маеш цяперака, зусім не выглядае так, як праца, аб якой ты марыш. Але нягледзячы ні на што, кожны з нас абірае, - сьведама ці не - што нашая праца будзе азначаць для нас. Значэньне, якое мы надаем сваёй працы, вызначае нашае да яе стаўленьне, што ў сваю чаргу ўплывае на якасьць ды дасканаласьць, зь якою мы працуем, а гэта ўплывае на тое, як Бог можа выкарыстоўваць нас.

Мы можам прыняць рашэньне надаць сваёй працы станоўчае значэньне. Зрабіўшы тое, мы ня толькі будзем працаваць якасьней, але й дазволім іншым убачыць у нас Мэсію. Нарэшце, менавіта Ён вызначае нашую таясамасьць, а ня нашая праца. Папрасі Бога паказаць табе Ягоную мэту ў тваёй працы дзеля Ягонага валадарства.

Малітва:

Тату, дапамажы мне бачыць маю працу так, як яе бачыш Ты. Дапамажы мне памятаць, што Ты выкарыстоўваеш усё, што я раблю ад усяго сэрца праз маю любоў да Цябе, дзеля таго, каб паказаць Тваю любоў іншым людзям. Хай тыя, з кім я працую, убачаць ува мне Мэсію. У імя Ісуса. Амін.

Для далейшага вывучэньня

Дазнайся, як бачыць сэнс у найзвычайнейшых заданьнях на Workmatters blog.