Надай значэньне сваёй працыУзор

Заўжды спадзявайся на Бога ў тваёй працы

Той, для каго мы працуем, мае значэньне і можа ўплываць на сэнс, які мы надаем працы. Калі мы паважаем людзей, зь якімі працуем, і нам падабаецца нашая арганізацыя, дык у нас будзе больш жаданьня працаваць ад усяго сэрца. Але калі з намі дрэнна абыходзяцца або калі ў нас ёсьць праблемы з калегамі, дык лёгка пачаць адчуваць смутак, расчараваньне й нават злосьць. Нашае стаўленьне да людзей можа адмоўна ўплываць на нашую ахвоту працаваць рупліва.

У Язэпа былі ўсе прычыны злавацца й быць незадаволеным. Яго пасадзілі ў вастрог ні за што. Аднак Язэп працягваў спадзявацца на Бога й старанна служыў начальніку вастрога. Праз тое, яго зрабілі начальнікам над усімі вязьнямі. Калі пекар ды чашнік, якіх таксама пасадзілі ў вастрог, засмуціліся, дык Язэп падбаў пра іх. Ён паслухаў іхнія аповеды пра дзіўныя сны, што ім прысьніліся, ды патлумачыў іх ім паводле разуменьня, якое даў яму Бог. У выніку ягонае дабрыні, чашнік потым парэкамэндаваў фараону параіцца зь Язэпам, калі той прысьніў турботны сон, які ніхто ня мог растлумачыць. І нават тады Язэп не паспрабаваў выхваліцца. Ён сказаў фараону, што толькі Бог здолее тлумачыць сны. Потым ён даў фараону тлумачэньне, атрыманае ім ад Бога.

Празь Язэпаву вернасьць у вастрозе, Бог паставіў яго над усім Эгіптам (Лукаша 16:10). Бог заўсёды быў зь Язэпам, рыхтуючы яго, даючы яму мудрасьць і зьмяняючы абставіны дзеля выкананьня Сваіх мэтаў.

Калі паводзіны іншых людзей уплываюць на нашую ахвоту працаваць ад усяго сэрца, дык нашая рашучасьць рупліва працаваць будзе зьменліваю. Але што, калі б ты заўсёды спадзяваўся на Бога ў тваёй працы? Робячы нашую працу дзеля Бога, мы зможам дасягнуць выдатных рэзультатаў. Як ты можаш павялічыць твой давер Богу ў тваёй працы?

Малітва

Тату, прабач мне за ўсе тыя разы, калі я дазволіў майму ўласнаму бачаньню іншых адмоўна ўплываць на маё стаўленьне да мае працы. Павяліч маё перакананьне ў тым, што Ты сапраўды выкарыстаеш усё тое, што я раблю дзеля таго, каб шанаваць Цябе, на дабро. Працуй з маім сэрцам, каб я заўсёды меў добрае стаўленьне. Амін.