Надай значэньне сваёй працыУзор

Абяры Божае бачаньне працы

Вернікі зачаста маюць памылковае ўяўленьне, што адзіны тып працы, які мае значэньне для Бога, - гэта праца пастараў, місіянэраў ды некамэрцыйных арганізацыяў. Небясьпека тут у тым, што мы думаем, што іншыя тыпы працы зьяўляюцца малаважнымі, і тое можа адмоўна паўплываць на нашае стаўленьне ды матывацыю. Насамрэч, усякая праца мае значэньне для Бога. Ён жадае, каб мы супрацоўнічалі зь Ім, што б мы ні рабілі, дзеля таго, каб служыць іншым ды дасягаць Ягоных мэтаў.

Язэп добра разумеў гэта - нават падчас сваіх найцяжэйшых выпрабаваньняў. Ён не займеў дрэннага стаўленьня нават калі ягоныя абставіны значна пагоршыліся. Ён ня стаў выконваць сваю працу абы-як, нягледзячы на тое, што яна не была ягоным пакліканьнем. Язэп ведаў на каго ён сапраўды працаваў - на Бога. У выніку, у Быцьці 39 чатыры разы напісана, што “Госпад быў зь Язэпам” (Быцьцё 39:2, 3, 21, 23). Калі Патыфарыха захацела спаць зь Язэпам, дык ён адказаў, што “гаспадар мой ня рупіцца пры мне пра нішто ў доме… як жа зраблю я гэтае вялікае ліха й зграшу прад Богам?” Язэп разумеў, што ягоны посьпех залежаў ад Бога, і што Ён абавязкова мусіў шанаваць Бога.

Нягледзячы на тое, што Язэп не зграшыў, яго памылкова абвінавацілі, звольнілі з працы й пасадзілі ў вастрог. Нават у гэтакіх несправядлівых абставінах Язэп ніколі ня кінуў шанаваць Бога й служыць іншым. І зноў, Бог даў яму ўпадабаньне ў вачах начальніка астрогу.

Як і Язэп, мы таксама апынёмся ў несправядлівых абставінах на працы. Але мы мусім быць асьцярожнымі, каб не прыдбаць адмоўнага стаўленьня да нашае працы, калі ўсё ідзе ня так. Ісус сказаў нам: “У сьвеце зазнаеце скруху; але суцешцеся: Я перамог сьвет” (Яна 16:33). Мы мусім заўсёды і ўва ўсіх абставінах быць у Ім, і тады праца, якую мы робім прынясе шмат плоду (Яна 15:5).


Што ты можаш зрабіць, каб пачаць бачыць тваю працу так, як яе бачыць Бог?

Малітва

Тату, дзякую Табе за працую, якую Ты мне даў. Дзякую за посьпех. Дапамажы мне заўсёды быць у Табе, каб я мог добра служыць іншым ува ўсякіх абставінах, нават калі штосьці ідзе ня так, як мне таго хочацца. Дапамажы мне заўсёды засяроджваць маю ўвагу на Мэсіі. У імя Ісуса. Амін.

Для далейшага вывучэньня

Дазнайся, як займець Божае бачаньне працы. Паглядзі гэтае відэа з Боні Вурцбахер, былой віцэ-старшынёй кампаніі Coca-Cola.