Oswald Chambers: Hoop - ‘n Heilige Belofte Voorbeeld

Die dissipels het alles vir Jesus opgeoffer; hulle het Hom vir drie jaar gevolg; Petrus en die ander dissipels dink dit is nou die tyd dat Hy sy koninkryk gaan aankondig. In plaas daarvan eindig alles in vernederende onbeduidendheid. Petrus sou nooit kon droom dat hy sou sien hoe Jesus Christus Homself nederig oorgee aan die wêreld se magte nie. Sy hart was gebreek en hy “volg Hom op ‘n afstand“. Om Petrus ‘n lafaard te noem omdat hy Jesus op ‘n afstand gevolg het, is ‘n aanduiding van hoe ons praat sonder om te dink. Petrus en al die dissipels was hartseer; alles waarop hulle aangaande Jesus gehoop het, het misluk en nou is hulle grootste vrees bewaarheid.

Sedert Petrus het baie Christene hartseer ervaar, nie omdat hulle enigiets persoonliks vrees nie, maar omdat dit lyk asof die Here God aan die kortste end trek.

Oordenkingsvrae: Watter omstandighede laat my dink dat God die stryd teen die bose verloor? Wat vertel Christus se dood en opstanding vir my oor God se mag oor die bose? Watter vrees het ek wat nie oorkom is deur die hoop van die opstanding nie?

Aanhalings uit" "He Shall Glorify Me", © Discovery House Uitgewers