Ontdek God se VisieVoorbeeld

Bestuur God se Visie

Deur Michael Youssef, Ph.D.

God gee sy visie aan diegene wat goeie rentmeesters is. God soek rentmeesters wat sy planne goed sal bestuur, selfs as hulle teenkanting, frustrasie, ongeduld, of selfs geestelike aanvalle in die gesig staar.

Wanneer ons God se tydlyn volg, mag ons angstige oomblikke en frustrasies ervaar terwyl ons wag vir God se plan om te ontvou. Die Satan sal ons probeer verlei om God se tydlyn oor die hoof te sien en sy rigtingaanwysing te bevraagteken. God vertrou egter sy visie aan diegene toe wat Hy weet deur kritiek, wagperiodes, en geestelike oorlogvoering sal volhard.

God gee ook sy visie aan diegene wat in die klein dingetjies getrou is. Hy sal 'n groter visie gee aan diegene wat getrou is met dit wat reeds onder hulle beheer is. Die Bybel leer ons dat God sy getroue dienaars so beloon: "Oor min was jy getrou, oor baie sal ek jou aanstel" (Matteus 25:21,23).

Die goeie nuus is dat dit nooit te laat is om na God se visie te begin soek nie. Ons is altyd by die regte punt in ons lewens om te besluit om God te eer en ons in Hom te verlustig.

Gebed: Vader, ek bid dat ek 'n goeie rentmeester sal wees van die visie wat U my gee en dat ek sal volhard, ongeag watter uitdagings ek mag trotseer. Ek bid dit in die Naam van Jesus. Amen.

"Volharding is wat julle nodig het om die wil van God te doen en te ontvang wat Hy beloof het" (Hebreërs 10:36).