Billy Graham se Rede Vir My HoopVoorbeeld

Vat My Huis Toe

Die antwoord sal uit die Hemel kom op die wolke van heerlikheid wanneer die Heilige uit die troonkamer van die Hemel stap en oorwinnende verandering aan hierdie moeë en goddelose wêreld bring. Die God van hoop sal die woord spreek en sy Seun weer uit die Hemel aarde toe stuur; want dit is die vervulling van sy hele Woord aan die hele wêreld. Hy is die enigste Veranderingsagent wat die mens se natuur herskep deur sy bron van hoop te verander. Net diegene egter wat hierdie waarheid erken het en dit aanvaar het, sal Hom herken op die groot dag van sy terugkoms.

Wie is hierdie Man van Hoop? Sy naam is Jesus Christus. Hoop rus in God se Seun alleen, nie in die kwessies of die veranderingsagente van hierdie wêreld nie.

Ware hoop en werklike verandering kom na hierdie wêreld. Geen regering kan dit verhoed nie, geen individu kan dit ontsnap nie, en diegene wat weier om die werklikheid daarvan aan te gryp, sal nooit die sekerheid daarvan verander nie. Die einde van die wêreld soos ons dit ken, sal plaasvind wanneer Christus terugkeer aarde toe. Dit is 'n doemprofesie vir spotters wat weier om te glo, maar dit is 'n heerlike vooruitsig vir diegene wat weet Hy kom weer.

Jesus Christus sal eendag in groot heerlikheid terugkom — as Koning. Soek jy Hom?

“Hy sal al die trane van hulle oë afdroog. Die dood sal daar nie meer wees nie. Ook leed, smart en pyn sal daar nie meer wees nie. Die dinge van vroeër het verbygegaan.” (Die Openbaring 21:4)