Billy Graham se Rede Vir My HoopVoorbeeld

Die Kruis Is My Belydenis

Terwyl Jesus sy lewensbloed vergiet het, het Hy gehoor hoe die diewe aan weerskante van Hom standpunt ingeneem het oor wat hulle oor die Christus gehoor het. Een het verlossing met sarkasme verwerp. Die ander het Hom egter aangeneem.

Jesus het die harte van hierdie veroordeelde misdadigers geken, maar net een het oortuig geword van sy sonde. Die Bybel sê oortuiging lei tot bekering.

Die dief het verstaan dat meer as om aan die kruis van die dood vasgespyker te wees, hy by die kruispad van besluitneming was. Hy het die enigste pad na verlossing gekies, want verlossing kom slegs deur die kruis van Christus. Christus is die weg, sy woord is die waarheid, en sy dood en opstanding bring lewe.

Bekering is deur geloof, deur te glo dat God sal vergewe. Bekering is om jou sonde te erken en deur geloof Christus se vergifnis te aanvaar en jou gedagtes te verander oor wie Jesus Christus is en wat Hy vir jou gedoen het; en dan van sonde weg te draai en die weg van die kruis te volg. Wanneer jy dit doen, bemagtig Hy jou om te glo dat Hy jou van sonde sal reinig en vir jou 'n nuwe hart, 'n hernieude verstand en die wil sal gee om Hom in sy koninkryk in te volg.

Wanneer ons die verhaal van die kruisiging lees, is dit maklik om die heerlikheid van die kruis weens die skande daarvan, mis te kyk — skande vir die menslike sonde wat Jesus aan die kruis vasgespyker het. Die kruis verteenwoordig die lydende liefde van God, wat die skuld van die mensdom se sonde dra. Dit alleenlik, is in staat om die sondaar se hart te versag en hom tot berou vir redding te bring. Dit is die heerlikheid van die kruis.

“Ook julle was voorheen ver van God af en vyandiggesind teenoor Hom, soos blyk uit julle sondige lewenswyse. Maar nou het Hy ook julle met Homself versoen deurdat sy Seun as mens gesterwe het om julle heilig, sonder smet en onberispelik voor Hom te stel” (Kolossense 1:21–22).