Almal wil wen, maar niemand wil wag nieVoorbeeld

God sal jou hart, denke en liggaam genees

Baie keer is 'n persoon se wagtyd ook 'n persoon se genesingstyd. In plaas daarvan om op 'n antwoord op jou gebed te fokus, wat daarvan as jy die tyd gebruik en fokus om weer gesond te word? Ja, dit sluit fisieke, emosionele en geestelike gesondheid in.

Terwyl jy op God wag, is dit baie belangrik dat jy die terreine in jou lewe herken waar jy genesing nodig het. Genesing is nie net beperk tot fisieke genesing nie. Genesing kan ook in jou denke plaasvind. Genesing kan in jou emosies plaasvind.

Die Woord van God dien as jou behandeling. God is bereid om jou te voorsien van alles wat jy nodig het om genees te word. Maar jy kan God nie forseer om jou te genees soos jy genees wil word nie. Jy moet God toelaat om jou te genees soos Hy jou wil genees. Jy moet God en sy proses vertrou. Die genesing mag dalk nie so gou gebeur as wat jy wil hê dit moet nie, maar jy moet glo dat God se proses die beste vir jou lewe is.

Die waarheid is dat elke seer wat aan God voorgelê word, genees sal word. Dit maak nie saak hoeveel pyn jy al in die verlede gehad het nie. Hy sal jou liggaam, hart en denke genees en dit weer mooi maak.