Almal wil wen, maar niemand wil wag nieVoorbeeld

Verlaat jou gemaksone

Ons lewens verander elke dag. Ons verhoudinge verander. Ons werk verander. Daar is selfs veranderinge wat binne-in ons plaasvind. Daar is niks verkeerd met verandering nie, maar soos ons ons doel ontdek en uitleef, terwyl ons op God wag, is daar sommige dinge wat ons moet doen. Die lewe is vol kreatiwiteit. Word kreatief terwyl jy jou doel ontdek. Waaroor is jy passievol? Terwyl jy op God wag om jou doel ten volle uit te leef, doen waaroor jy passievol is.

Verder, doen iets wat jy nog nooit vantevore gedoen het nie. Vra God om iets nuuts in jou te doen, sodat jy nie vir ewig op dieselfde plek sal vassteek nie. Jou doel is meer as om net te doen wat vir jou gemaklik is. Verlaat jou gemaksone. Laat die warm blydskap en liefde van God 'n deel van jou lewe word. Gebruik tyd om daarop te fokus om ander te help. Wat jy ook al doen, moenie iemand anders se doel probeer dupliseer nie. Wees net jouself. Luister na die stem van God en laat Hom toe om jou in jou doel te lei. God wil hê jy moet jou doel ten volle uitleef, die beste van die lewe ervaar, en elke dag 'n vars ervaring van die goeie lewe hê.