Wat Jesus Gesê Het Oor Vaders en Moeders Wat Geestelike Wonde VeroorsaakVoorbeeld

Kyk na Jesus

Kyk na Jesus. Hy het gely. Hy het nie vergeld nie. Hy het nie met haat, verwerping, minderwaardigheid of bitterheid gereageer nie. Hy het aangehou om lief te hê, goed te doen, te vergewe, genadig te wees en barmhartigheid te betoon. Kom ons volg sy voorbeeld. Dit sal jou vrymaak. Vryheid van pyn kom altyd op dieselfde manier: begrip van die karakter van die Vader, totale vergifnis en om Jesus as ons voorbeeld te volg.

Gehoorsaamheid: Bestudeer die volgende Skrifgedeelte noukeurig: "Ek weet wat Ek vir julle beplan, sê die Here: voorspoed en nie teenspoed nie; Ek wil vir julle ’n toekoms gee, ’n verwagting!" (Jeremia 29:11). Wat sê God vir jou in hierdie Skrifgedeelte? Strook dit met hoe jy oor God "voel" en wat Hy dink? Is jy bereid om dit wat jy dink te verruil met wat die Woord sê hoe God van jou dink? Neem tyd om dit te doen.

'n Woord oor middel kinders: Middel kinders (byvoorbeeld die tweede broer of suster van drie) moet hulself noukeurig dophou. Hulle ly dikwels aan emosies van verwaarlosing, verwerping en minderwaardigheid en dit is gewoonlik goed om iemand te vind om mee te praat en saam met jou deur hierdie emosies te bid. Wanneer een kind voorkeurbehandeling in 'n gesin ontvang, lei dit gewoonlik tot jaloesie by die ander broers en susters, maar dikwels ook haat, verwerping, minderwaardigheid en skugterheid. Dit is tipiese gedrag wat 'n mens by "middel kinders" aantref.