Laai die Bybeltoep afGee Alles Weg … en Kry Weer Alles TerugVoorbeeld
Die Kuns om Oor te Dra na Toekomstige Geslagte
Ons hoor die woord "ekonomie" so dikwels in die media dat ek wonder of ons werklik die betekenis ken. Dit word hoofsaaklik gebruik om aan te dui hoe ons land op monetêre gebied vorder. Dit is egter net een manier om daarna te kyk. Vir my is dit duideliker om ekonomie te verstaan as die "versigtige bestuur van hulpbronne". Dit dui aan dat daar 'n behoefte aan 'n rentmeester is — die persoon wat verantwoordelik is vir daardie versigtige bestuur van die hulpbronne.
In Spreuke, in die Ou Testamentiese boek se laaste hoofstuk, is 'n beskrywing wat as die "Spreuke 31-vrou" bekendstaan. As jy die hoofstuk lees, sal jy agterkom dat die vrou wat beskryf word, 'n ekonoom van wêreldgehalte is.
Sy is 'n versigtige bestuurder van al haar hulpbronne: intellektueel, sosiaal, finansieel, geestelik en sy is selfs beeldskoon. Haar getroue werk is aan haar geestelike ywer vir God verbind. Sy eer en verheerlik God en haar lewe is 'n uitdrukking daarvan deur haar briljante rentmeesterskap. Ons kan almal by hierdie wonderlike vrou leer hoe om die noukeurige bestuur na te strewe van alles wat God ons gegee het.
Toepassing: As jy na die voorbeeld van die vrou in Spreuke 31 kyk, wat doen jy reg? Waar is daar by jou ruimte vir verbetering?
Skrif
Aangaande hierdie leesplan
David Green, die stigter en Hoof Uitvoerende Beampte van "Hobby Lobby", deel met ons hoe 'n vrygewige lewe die beste persoonlike belonings teweegbring, 'n kragtige nalatenskap aan jou gesin bied en ook die lewens verander van diegene met wie jy in aanraking kom. Dit is 'n uittreksel uit die boek "Giving It All Away … and Getting It All Back Again".
More
