Die Koning Se PragVoorbeeld

Gemaak Om Te Floreer

Verhoudings is nie altyd maklik nie, maar God wil verhoudings bou. Verhoudings beleef goeie en slegte tye. Een oomblik is alles nog reg, dan word harde woorde gesê en spanning kruip in.

Sambo, die voormalige kindersoldaat, het min besittings gehad. Sy gesin is vernietig, hy het geen verhouding met Jesus gehad nie, sy bure het hom verag en hy was aan drank verslaaf. Geld kan nie hierdie probleme regmaak nie. Hy was aan die kwyn en dit was nodig dat sy verhouding met God herstel word.

Tearfund sien baie armoede. Jy mag dink dat armoede net 'n gebrek aan geld is, maar dit is net een aspek daarvan. Geld is altyd die simptoom van 'n groter probleem — 'n gebroke verhouding met God, onsself en ander.

Toe God die wêreld geskape het, het Hy in gedagte gehad dat mense saam met Hom sou floreer en dat ons 'n verhouding met Hom, onsself en ander mense sou hê. Hy het nie bedoel dat ons alleen moet wees nie.

Ons is nie geskape om alleen te wees nie. Ons is geskape om te floreer en dit beteken dat ons in die regte verhoudings lewe, want dit is daardeur dat ons liefde en toegeneentheid ervaar. God het ons met 'n plan en 'n doel geskape.

Bid:

Dankie Vader, dat U groot dinge vir my begeer. Ek vra dat U vandag u planne en doelwitte aan my sal openbaar. Amen.