Die Heerlikheid van God in die Hemel.Voorbeeld

Die Here Verwyder jou Skuld.

Ds. Patrick Feldhus

Is daar 'n meer ongemaklike oomblik as wanneer jy 'n lelike woord voor jou ma gebruik? Die uitdrukking op haar gesig sny dwarsdeur jou. Dit is slegs 'n klein fraksie van die verdoemenis en somberheid wat ons verdien as gevolg van ons onrein lippe.

Dink aan al die onrein woorde wat jy deur jou lewe gespreek het … daardie onrein dinge wat jy voor jou ouers, broers, susters, vyande en vriende gesê het. Selfs dit vergelyk egter nie met die onrein dinge wat deur jou gedagtes gaan wat nooit by jou mond uitkom nie. Is dit 'n skok dat die groot profeet Jesaja van skrik sou skree omdat hy die Here gesien het? Selfs hy het erken dat hy as man van onrein lippe tussen 'n volk van onrein lippe woon en dat hy verdien om daardeur verwoes en verdoem te word. As jy eers 'n onrein woord gespreek het, kan jy dit nie terugneem nie.

Watter vorm van verdoemenis en somberheid het op Jesaja gewag? "Een van die serafs het toe 'n gloeiende kool met 'n tang van die altaar af gevat en na my toe gevlieg. Hy het my mond aangeraak met die kool en gesê: 'Noudat die gloeiende kool jou lippe aangeraak het, is jou oortredinge vergewe, jou sonde versoen'”(Jesaja 6:6-7).

Die Here van die leërskare het gekies om Jesaja se onrein lippe te reinig. Die Here van die leërskare het Jesaja vergewe sonder dat Jesaja iets gedoen het! Dit is hoe ons Here van die leërskare reageer; hy reinig en vergewe. Anders as Jesaja was die Here ons onrein lippe en neem ons skuld weg deur ons te verbind met die dood en opstanding van sy Seun, Jesus. Elke vlek van sonde en skuld is van jou verwyder en vervang met heiligheid van die altaar van die hemel self! Dit is hoe die Here van die leërskare jou nou sien.

Gebed: Liewe Here van die leërskare, dankie dat U ons reinig deur die waters van die doop. Kalmeer ons harte en gee ons vreugde in die vergifnis wat Jesus vir ons van sy altaar in die hemel bring! In die Naam van Jesus bid ons. Amen.